బెల్లంపల్లి, వెలుగు: రాష్ట్ర, జాతీయ స్థాయిలో అనేక మంది క్రీడాకారులను అందించిన పుట్టినిల్లు బెల్లంపల్లి అని ఏసీపీ ఎ.రవికుమార్ అన్నారు. స్థానిక తిలక్ స్టేడియంలో ఆదివారం అడిచర్ల మహేశ్ స్మారక సీజన్-1 నియోజకవర్గ స్థాయి క్రికెట్ పోటీలను ఏసీపీ ప్రారంభించారు. ఈ సందర్భంగా మాట్లాడుతూ.. కన్నాల బస్తీకి చెందిన ప్రముఖ స్టిల్‌ ఫొటోగ్రాఫర్ స్మృతిలో క్రికెట్ టోర్నీ నిర్వహించడం ప్రశంసనీయమన్నారు. ప్రతి క్రీడాకారుడు క్రీడాస్ఫూర్తితో ముందుకు సాగాలని, జాతీయస్థాయిలో రాణించాలని ఆకాంక్షించారు.
ఈ లీగ్లో మొత్తం 16 జట్లు పాల్గొంటున్నాయని, ఏప్రిల్ 27 వరకు పోటీలు కొనసాగుతాయని నిర్వాహకులు తెలిపారు. కార్యక్రమంలో వన్‌ టౌన్ ఇన్‌స్పెక్టర్, ఎస్సై ఎస్‌ఐ ఎన్.దేవయ్య, నరేశ్, తాండూర్ ఇన్‌స్పెక్టర్ కుమారస్వామి, నిర్వాహకులు అడిచర్ల హరీశ్, శివ, సుద్దాల వంశీకృష్ణ తదితరులు పాల్గొన్నారు.
