భద్రాద్రికొత్తగూడెం, వెలుగు : భద్రాద్రికొత్తగూడెం జిల్లా కొత్తగూడెం ఏరియా రుద్రంపూర్లో శనివారం నిర్వహించిన రాష్ట్ర స్థాయి సబ్ జూనియర్ అథ్లెటిక్స్ పోటీల్లో ఓవరాల్ చాంపియన్గా ఆదిలాబాద్ జిల్లా నిలిచింది. అథ్లెటిక్స్ పోటీలను జిల్లా పరిషత్ చైర్మన్ కంచర్ల చంద్రశేఖర్, రాష్ట్ర అథ్లెటిక్స్ అసోసియేషన్ అసోసియేషన్ జనరల్ సెక్రటరీ కె. సారంగపాణి ప్రారంభించారు.
ఈ సందర్భంగా వారు మాట్లాడుతూ రాష్ట్ర స్థాయిలో ప్రతిభ చూపిన క్రీడాకారులు జాతీయ, అంతర్జాతీయ స్థాయిలో రాణించాలని ఆకాంక్షించారు. రాష్ట్రంలోని 33 జిల్లాల నుంచి దాదాపు 800 మంది క్రీడాకారులు హాజరయ్యారు. అండర్ 8, 10, 12, 14 విభాగాల్లో బాయ్స్, గర్ల్స్ ఈ పోటీల్లో పాల్గొన్నారు.
