ఆదిలాబాద్టౌన్, వెలుగు: జిల్లా తుది ఓటరు జాబితాను సోమవారం జిల్లా ఎన్నికల అధికారి, కలెక్టర్ రాజర్షి షా విడుదల చేశారు. ఈ సందర్భంగా జిల్లాలోని ఆదిలాబాద్, బోథ్ నియోజకవర్గాలు కలిసి మొత్తం 4,61,870 ఓటర్లు కాగా అందులో పురుషులు 2,24,604 మంది ఓటర్లు, మహిళలు 2,37,258 మంది ఓటర్లు ఉన్నట్లు తెలిపారు. ఆదిలాబాద్ నియోజకవర్గంలో మొత్తం 2,47,861 మంది ఓటర్లు కాగా పురుషులు 1,21,050 మంది, మహిళలు 1,26,805 మంది, బోథ్ నియోజకర్గంలో మొత్తం ఓటర్లు 2,14,009 మంది కాగా పురుషులు 1,03,554 మంది, మహిళలు 1,10,453 మంది ఓటర్లు ఉన్నట్లు పేర్కొన్నారు. తుది ఓటరు జాబితాలు ఆయా కార్యాలయాల్లో అందుబాటులో ఉంచినట్లు తెలిపారు.
