-
త్వరలోనే కిషన్ రెడ్డితో కలిసి ఢిల్లీకి
హైదరాబాద్: ఆదిలాబాద్ ఎంపీ, బీజేపీ లీడర్సోయం బాబురావుకు జాతీయ స్థాయిలో నామినేటెడ్ పోస్ట్ ను బీజేపీ హైకమాండ్ఆఫర్ చేసినట్లు తెలిసింది. వచ్చే పార్లమెంట్ ఎన్నికల్లో ఎంపీ సీటును బాబురావుకు కాకుండ బీఆర్ఎస్ నుంచి బీజేపీలో చేరిన నగేశ్ కు కాషాయ పార్టీ ఆదిలాబాద్ ఎంపీ అభ్యర్థిగా ప్రకటించింది. దీంతో సోయం తీవ్ర అసంతృప్తికి లోనయ్యారు. బీజేపీ నుంచి కాంగ్రస్లో చేరే ప్రయత్నాలు చేసినట్లుగా వార్తలు వచ్చాయి. దీంతో కాంగ్రెస్ లోకి వెళ్లకుండా ఎంపీ సోయంను బీజేపీ పెద్దలు బుజ్జగిస్తున్నారు.
ఈ నేపథ్యంలోనే నామినేటెడ్ పోస్ట్ ను ఆఫర్ చేశారు. త్వరలోనే కిషన్ రెడ్డి తో కలిసి ఢిల్లీకి బాబు రావు వెళ్లనున్నారు. బీజేపి జాతీయ అధ్యక్షుడు జేపీ నడ్డ , నేషనల్ ఆర్గనైజింగ్ జనరల్ సెక్రటరీ బీఎల్ సంతోష్ లను సోయం బాబు రావుకు కల్పిస్తానని కిషన్ రెడ్డి హామీ ఇచ్చారు. ఆదిలాబాద్ ఎంపీ అభ్యర్థి నగేశ్ కు సహకరించాలని బీజేపీ పెద్దలు సూచించారు. దీంతో పార్టీ మారే ఆలోచనను సోయం విరమించుకున్నట్లు తెలుస్తోంది.
