హైదరాబాద్: మంత్రి కొండా సురేఖపై బీఆర్ఎస్ వర్కింగ్ ప్రెసిడెంట్ కేటీఆర్ దాఖలు చేసిన పరువు నష్టం దావాపై విచారణ వాయిదా పడింది. ఈ పిటిషన్పై తదుపరి విచారణను నాంపల్లి కోర్టు 2024, అక్టోబర్ 14వ తేదీకి వాయిదా వేసింది. కాగా, సమంత, నాగచైతన్య విడాకులకు కేటీఆరే కారణమంటూ మంత్రి సురేఖ వ్యాఖ్యానించిన విషయం తెలిసిందే. ఈ క్రమంలో మంత్రి కొండా సురేఖ వ్యాఖ్యలపై కేటీఆర్ నాంపల్లి కోర్టును ఆశ్రయించారు. తన గౌరవానికి భంగం కలిగించేలా మంత్రి సురేఖ వ్యాఖ్యలు చేశారని.. ఈ మేరకు ఆమెపై చర్యలు తీసుకోవాలని కేటీఆర్ తరుఫున న్యాయవాది నాంపల్లి కోర్టులో పిటిషన్ దాఖలు చేశారు.
బీఆర్ఎస్ నేతలు బాల్క సుమన్, సత్యవతి రాథోడ్, తుల ఉమా, దాసోజు శ్రవణ్లను సాక్షులుగా కేటీఆర్ పిటిషన్లో పేర్కొన్నారు. కేటీఆర్ పిటిషన్పై న్యాయస్థానం ఇవాళ (అక్టోబర్ 10) విచారణ చేపట్టింది. ఈ సందర్భంగా.. మంత్రి కొండా సురేఖ మాట్లాడిన వీడియోలకు సంబంధించిన క్లిప్లను కేటీఆర్ తరఫు న్యాయవాది కోర్టుకు సమర్పించారు. కొండా సురేఖకు వ్యరేతికంగా మొత్తం 23 రకాల సాక్ష్యాలను కేటీఆర్ లాయర్ కోర్టుకు అందజేశారు. అనంతరం ఈ పిటిషన్ పై నాంపల్లి కోర్టు 14వ తేదీకి వాయిదా వేసింది.
Also Read:-మంత్రి కొండా సురేఖపై కేటీఆర్ పరువు నష్టం దావా
