మోడల్ స్కూల్స్‌లో అడ్మిషన్స్కు ప్రవేశాలు

మోడల్ స్కూళ్లలో ప్రవేశాలకు తెలంగాణ ప్రభుత్వం నోటిఫికేషన్ రిలీజ్ చేసింది. ఆరో తరగతి ప్రవేశాలకు ఏప్రిల్ 15 నుంచి అప్లికేషన్ ప్రాసెస్ ప్రారంభం కానుంది. ఎంట్రెన్స్ ఎగ్జామ్ జూన్‌లో నిర్వహిస్తారు.

రాష్ర్టవ్యాప్తంగా ఉన్న మొత్తం 194 మోడల్ స్కూళ్లలో ఒక్కో స్కూల్‍లో వంద సీట్ల చొప్పున ఆరోతరగతిలో అడ్మిషన్లు కల్పిస్తారు. మిగిలిన తరగతుల్లో ఉన్న ఖాళీల ఆధారంగా ప్రవేశాలుంటాయి. ఇందులో చేరిన స్టూడెంట్స్కు ఎలాంటి ఫీజు ఉండదు. ఉచితి వసతితో పాటు పుస్తకాలు, స్టేషనరీ, యూనిఫాం అందిస్తారు. ఇంగ్లిష్ మీడియంలో బోధనతో పాటు నీట్, ఎంసెట్, జేఈఈ, సీఏ, సీపీటీ, టీపీటీ, సీఎస్ వంటి పోటీ పరీక్షలకూ శిక్షణ ఇస్తారు.

అర్హతలు: ఆరో తరగతిలో చేరేందుకు ప్రభుత్వ గుర్తింపు పొందిన స్కూల్ నుంచి ఐదో తరగతి పూర్తి చేసి ఉండాలి.
వయసు: ఆరో తరగతికి స్టూడెంట్ వయసు 10 ఏళ్లు నిండి ఉండాలి. ఏడుకు 11, ఎనిమిదికి 12, తొమ్మిదికి 13, పదికి 14 సంవత్సరాలు పూర్తయి ఉండాలి.
సెలెక్షన్ ప్రాసెస్: ఎంట్రెన్స్లో స్టూడెంట్ చూపిన ప్రతిభ ఆధారంగా రిజర్వేషన్ నిబంధనల మేరకు ప్రవేశాలు కల్పిస్తారు.

ఎగ్జామ్ ప్యాటర్న్
ఆరోతరగతి ప్రవేశ పరీక్షలో 100 మార్కులకు వంద ప్రశ్నలిస్తారు. ప్రశ్నాపత్రం తెలుగు, ఇంగ్లిష్ మీడియాల్లో ఉంటుంది. ఆరోతరగతి పేపర్‌లో తెలుగు, మ్యాథమెటిక్స్‌, ఎన్విరాన్‌మెంటల్ సైన్స్(సైన్స్ &సోషల్), ఇంగ్లిష్ నాలుగు సబ్జెక్టుల నుంచి ప్రశ్నలు అడుగుతారు. ఏడు నుంచి పదో తరగతిలో ప్రవేశించే స్టూడెంట్స్కు ఇంగ్లిష్, మ్యాథమెటిక్స్, జనరల్ సైన్స్, సోషల్ స్టడీస్లలో ఒక్కో సబ్జెక్టు నుంచి 25 ప్రశ్నల చొప్పున మొత్తం 100 ప్రశ్నలు ఇస్తారు. ఆబ్జెక్టివ్‍ విధానంలో ఉండే ఈ ఎగ్జామ్ డ్యురేషన్ రెండు గంటలు.

ఆరోతరగతి ఎంట్రెన్స్
సబ్జెక్ట్ ప్రశ్నలు   మార్క్స్
తెలుగు 25 25
మ్యాథమెటిక్స్   25 25
సైన్స్ & సోషల్‍  25 25
ఇంగ్లిష్‍ 25 25
మొత్తం 100 100

7 నుంచి 10వ తరగతి
సబ్జెక్ట్ ప్రశ్నలు మార్క్స్
ఇంగ్లిష్‍ 25 25
మ్యాథమెటిక్స్   25 25
జనరల్‍ సైన్స్   25 25
సోషల్‍ స్టడీస్‍   25 25
మొత్తం 100 100

ముఖ్య సమాచారం
6వ తరగతి అప్లికేషన్లు: ఏప్రిల్ 15 నుంచి 30 వరకు
7 నుంచి 10 తరగతులకు: ఏప్రిల్ 20 నుంచి 30 వరకు
అప్లికేషన్ ఫీజు: జనరల్ స్టూడెంట్స్కు రూ.150, ఎస్సీ, ఎస్టీ, బీసీ స్టూడెంట్స్కు రూ.75
హాల్టికెట్ల డౌన్లోడ్: జూన్ 1 నుంచి జూన్ 6 వరకు
ఆరో తరగతి ఎంట్రెన్స్: జూన్ 6
7 నుంచి 10 తరగతుల ఎంట్రెన్స్: జూన్ 5
ఫలితాల ప్రకటన: జూన్ 14
మెరిట్ లిస్ట్ విడుదల: జూన్ 17
సర్టిఫికెట్ల వెరిఫికేషన్, ప్రవేశాలు: జూన్18 నుంచి జూన్ 20 వరకు
తరగతులు ప్రారంభం: జూన్ 21
వెబ్‌సైట్‍: www.telanganams.cgg.gov.in