పెద్దవాళ్లు, చదువులేని వాళ్లు స్కామర్‌‌ల టార్గెట్. డెలివరీ బాయ్‌‌లకు, ఏజెంట్‌‌లకు ఓటీపీ చెప్పేటప్పుడు జాగ్రత్త! నమ్మకం లేని, అస్సలు తెలియని వెబ్‌‌సైట్‌ లింక్‌‌లు ఓపెన్‌ చేయొద్దు. ఈ మధ్య రైతు బంధు డబ్బులు అకౌంట్లో పడతాయని, అందుకోసం ఫోన్ నెంబర్ని అకౌంట్కి లింక్ చేయడానికి ఓటీపీ చెప్పాలని ఫోన్కాల్స్ చేస్తున్నారు.
ఓటీపీ చెప్పమని ఫోన్ కాల్ వస్తే... వాళ్లు ఎక్కడి నుంచి ఫోన్ చేస్తున్నారో గమనించాలి. బ్యాంక్, ఫైనాన్స్ సంస్థలు ఓటీపీ, ఇతర వివరాల వంటివి అడగరు. ఒకవేళ ఎవరైనా ఫోన్ చేసి ఓటీపీ అడిగితే జాగ్రత్తగా ఉండండి. వ్యక్తిగత సమాచారం కోసం అడిగే వెబ్ లింక్‌‌లు లేదా వెబ్‌‌సైట్‌‌లను నమ్మొద్దు.
సైబర్ క్రైమ్ డివిజన్
వన్-టైమ్ పాస్‌‌వర్డ్ (ఓటీపీ), వన్-టైమ్ పిన్ అని కూడా పిలుస్తారు, ఇది కంప్యూటర్ సిస్టమ్ లేదా ఇతర డిజిటల్ డివైజ్లో ఒక లాగిన్ సెషన్ లేదా ట్రాన్సాక్షన్కి మాత్రమే వాడే పాస్‌‌వర్డ్. బ్యాంక్ ఖాతాదారులను మోసగించిన నేరస్తులు ఓటీపీ లేదా స్మార్ట్‌‌ఫోన్‌‌ను హ్యాక్ చేయడం ద్వారా దాన్ని యాక్సెస్ చేయడం వంటి కేసులు పెద్ద సంఖ్యలో ఉన్నాయి. నేరస్తులు బ్యాంక్ కస్టమర్‌‌ని మోసం చేసే మరో మార్గం ఏమిటంటే... నకిలీ ఐడీ ప్రూఫ్తో మొబైల్ ఆపరేటర్‌‌ని సంప్రదించి నకిలీ సిమ్ కార్డ్‌‌ని తీసుకోవడం. ఆపరేటర్ ఒరిజినల్ సిమ్‌‌ను బ్లాక్ చేస్తాడు. దాంతో డూప్లికేట్ సిమ్కి ఓటీపీ వస్తుంది. దాంతో ఆన్‌‌లైన్ లావాదేవీలు చేస్తారు సైబర్ కేటుగాళ్లు.
