- దీపావళి సందర్భంగా రెండ్రోజులు ముందే అకౌంట్లలోకి..
హైదరాబాద్ సిటీ, వెలుగు : దీపావళి పండుగ సందర్భంగా జీహెచ్ఎంసీ ఉద్యోగులు, కార్మికులకు ముందస్తుగా జీతాలు వేశారు. గత 8 ఏండ్లలో ఎన్నడూ లేని విధంగా రెండు రోజులు ముందే జీతాల చెల్లింపునకు రూ.120 కోట్లు విడుదల చేశారు. దీంతో బుధవారం దాదాపు 27వేల మంది ఉద్యోగులు కార్మికులు, పెన్షనర్లకు జీతాలు అందాయి. సంస్థ అప్పుల్లో కూరుకుపోయిందనే సాకుతో బీఆర్ఎస్ హయాంలో జీహెచ్ఎంసీ ఉద్యోగులు
సిబ్బందికి ప్రతి నెలా ఒకటో తేదీన వేయాల్సిన జీతాలను 15 నుంచి 20 తేదీ లోపు చెల్లించేవారు. కాంగ్రెస్ ప్రభుత్వం వచ్చాక పరిస్థితి మారింది. ప్రతి నెలా ఒకటో తేదీన జీతాలు అందుతున్నాయి. దీపావళి పండుగ నేపథ్యంలో ఈసారి రెండు రోజులు ముందుగానే జీతాలు వేసేశారు. ఉద్యోగులు, కార్మికులు జీహెచ్ఎంసీకి కృతజ్ఞతలు తెలిపారు.
