విశాఖపట్టణం నేవల్ డాక్యార్డులో ఐఎన్ఎస్ నిర్దేశక్ సర్వే నౌకను జాతికి అంకితం చేశారు. కోల్కతాలోని గార్డెన్ రీచ్ షిప్బిల్డర్స్ అండ్ ఇంజినీర్స్(జీఆర్ఎస్ఈ) నిర్మించిన ఈ నౌక సర్వే వెసెల్(లార్జ్) ప్రాజెక్టులో రెండో నౌక. గతంలో 32 ఏండ్లపాటు భారత నౌకాదళంలో సేవలందించి 2014లో వీడ్కోలు తీసుకున్న నిర్దేశక్ స్థానంలో కొత్త నౌక ఐఎన్ఎస్ నిర్దేశక్ రూపుదిద్దుకున్నది. ఈ నౌక తయారీ 2020, డిసెంబర్ 1న ప్రారంభించగా 2022లో ట్రయల్స్ పూర్తిచేశారు.
- 80 శాతం స్వదేశీ పరిజ్ఞానంతో తయారైన ఈ నౌకలో అడ్వాన్స్డ్ హైడ్రోగ్రఫీకి చెందిన మల్టీ బీమ్ ఎకో సౌండర్లు, సైడ్ స్కాన్ సోనార్లు, అటానమస్ అండర్ వాటర్ వెహికల్(ఏయూవీ), రిమోట్ఆపరేటెడ్ వెహికల్(ఆర్ఓవీ) తదితర అత్యాధునిక సాంకేతిక పరిజ్ఞానాన్ని ఉపయోగించారు.
- సముద్రాల్లో మ్యాపింగ్, నేవిగేషన్, డీప్ సీ ఆపరేషన్లలో కచ్చితమైన ప్లానింగ్కు ఇది ఉపయోగపడుతుంది. ప్రమాదకరమైన ప్రాంతాల్లోనే కాకుండా నిషేధించిన జోన్లలోనూ ఇది సర్వే చేసి కచ్చితమైన డేటాను అందిస్తుంది.
- సముద్ర అంతర్భాగంలో ఉండిపోయిన శిథిలాలను గుర్తించడంతోపాటు పర్యావరణ అధ్యయనాలు కూడా చేస్తుంది.
- అత్యాధునిక సాంకేతిక పరిజ్ఞానంతో రూపొందిన సర్వే నౌక ఐఎన్ఎస్ నిర్దేశక్ విదేశాలతో సంబంధాలు పెంచుకోవడానికి సముద్ర రాయబారిగా ఉపయోగపడుతుంది.
- ఈ నౌక నిర్మాణంలో నేవీ వార్షిప్ డిజైన్ బ్యూరో, జీఆర్ఎస్ఈ, ఎల్ అండ్ టీ, సెయిల్, ఐఆర్ఎస్తోపాటు పలు ఎస్ఎస్ఎంఈలు పాల్గొన్నాయి.
- ఐఎన్ఎస్ నిర్దేశక్ సర్వే నౌక పొడవు 110 మీటర్లు, బరువు 3800 టన్నులు.
- సమర్థవంతమైన పనితీరు కోసం ఇందులో రెండు ఇంజిన్లను అమర్చారు.
- సముద్రంలో 25 రోజులకుపైగా ఈ నౌక పనిచేయగలదు. 18 నాటికల్ మైళ్ల గరిష్ట వేగంతో ప్రయాణిస్తుంది. విస్తృతమైన సర్వేలు, నిరంతర కార్యకలాపాలు నిర్వహించగలిగే సామర్థ్యం ఈ నౌకకు ఉంది.
