జర్నలిస్టులమని చెప్పినా కట్టేసి కొట్టారు

కాబూల్: అఫ్ఘాన్ మహిళల నిరసనలను కవర్ చేసినందుకు జర్నలిస్టులను తాలిబన్లు చితక్కొట్టారు. దర్యాబి మరియు నఖ్దీ అనే ఒక వీడియో ఎడిటర్ మరియు ఒక రిపోర్టర్ బుధవారం పశ్చిమ కాబూల్‌లోని కార్ట్ -ఇ -చార్ అనే ప్రాంతంలో మహిళలు నిర్వహించిన నిరసనను కవర్ చేశారు. ఫోటోలు, వీడియోలు తీస్తుండగా.. వారిని తాలిబన్లు పట్టుకొని కట్టేసి విపరీతంగా కొట్టారు. ఆ ఫోటోలు ఇప్పుడు సోషల్ మీడియాలో వైరల్‎గా మారాయి. తాలిబన్ల దెబ్బలకు గాయపడిన జర్నలిస్టుల యొక్క ఫోటోలు అఫ్ఘాన్‎లో మానవ హక్కులకు మరియు పత్రికా స్వేచ్ఛకు భంగం ఎంతగా వాటిల్లుతుందో తెలియజేస్తున్నాయి.

‘మేం జర్నలిస్టులమని అరుస్తూ చెప్పినా వారు పట్టించుకోలేదు. వారు మమ్మల్ని చంపేస్తారని అనుకున్నాను. వారు మమ్మల్ని ఎగతాళి చేస్తూ.. కొడుతూనే ఉన్నారు’ అని బాధితుడు నఖ్దీ చెప్పారు.