- అయోమయంలో కార్యకర్తలు
- బీఆర్ఎస్ మున్సిపల్ చైర్పర్సన్పై అవిశ్వాసం నోటీస్
కామారెడ్డి, వెలుగు: అసెంబ్లీ ఎన్నికల్లో బీఆర్ఎస్ ఓడిపోవడంతో అంతర్గత విభేధాలు తీవ్ర స్థాయికి చేరాయి. అసెంబ్లీ ఎన్నికల్లో స్వయంగా బీఆర్ఎస్ అధినేత కేసీఆర్ కామారెడ్డి నుంచి పోటీ చేసి ఓటమిపాలయ్యారు. దీంతో బీఆర్ఎస్ నాయకుల మధ్య వర్గపోరు రోజురోజుకూ ఎక్కువ కావడంతో ఆ పార్టీ వర్కింగ్ ప్రెసిడెంట్కేటీఆర్ సీరియస్ అయ్యారు. అందరూ కలిసికట్టుగా పార్టీ కోసం పనిచేయాలని సూచించారు.
అయినా ఆ పార్టీలో అంతర్గత విభేదాలు తగ్గడం లేదు. పార్లమెంట్ఎన్నికల్లోనైనా తమ ఉనికి చాటుకోవాలని గులాబీ నేతలు భావిస్తున్నారు. ఇప్పటికే పలువురు నాయకులు, ప్రజాప్రతినిధులు బీఆర్ఎస్ను వీడి కాంగ్రెస్లో చేరారు. జహీరాబాద్ ఎంపీ బీబీపాటిల్బీజేపీలో చేరారు. ఒక్కో లీడర్ పార్టీని వీడుతుండడంతో కార్యకర్తల్లో అయోమయం నెలకొంది. అసెంబ్లీ ఎన్నికల ఫలితాల తర్వాత ఇటీవల కామారెడ్డి నియోజకవర్గ విస్తృత స్థాయి కార్యకర్తల సమావేశంనిర్వహించారు. ఈ సమావేశానికి బీఆర్ఎస్వర్కింగ్ ప్రెసిడెంట్ కేటీఆర్, మాజీ మంత్రి వేముల ప్రశాంత్రెడ్డి హాజరయ్యారు. కేటీఆర్ సమక్షంలో పార్టీ నాయకులు దూషించుకోవడంతో సమావేశం రసాభాసగా సాగింది. నాయకుల మధ్య విభేదాలు బయటపడడంతో పార్టీ శ్రేణులు అమోమయానికి గురయ్యారు.
ఇన్చార్జిపై ఇంకా స్పష్టతరాలే..
అసెంబ్లీ ఎన్నికల తర్వాత నియోజకవర్గ బీఆర్ఎస్ ఇన్చార్జి ఎవరనేది ఇంకా స్పష్టత రాలేదు. అసెంబ్లీ ఎన్నికల సమయంలో పలువురు ముఖ్య నాయకులతో కో –ఆర్డినేషన్కమిటీ వేశారు. ఈ కమిటీపై పలువురు నాయకులు అసంతృప్తి వ్యక్తం చేశారు. మాజీ ఎమ్మెల్యే గంప గోవర్ధన్కు ఇన్చార్జి బాధ్యతలను అప్పగించాలని కార్యకర్తలు డిమాండ్చేశారు. కార్యకర్తల మీటింగ్ కంటే ముందు సమన్వయ కమిటీ సభ్యులతో కేటీఆర్భేటీ అయ్యారు. పార్లమెంట్ఎన్నికల్లో కూడా కో –ఆర్డినేషన్ కమిటీని కంటిన్యూ చేస్తామని కేటీఆర్ ప్రకటించారు. గంప గోవర్ధన్ నాయకత్వంలోనే సమన్వయ కమిటీ పనిచేస్తుందని కేటీఆర్ పేర్కొన్నారు.
మున్సిపల్ చైర్పర్సన్ పై అవిశ్వాసం నోటీస్..
కామారెడ్డి మున్సిపల్చైర్పర్సన్నిట్టు జాహ్నవిపై కాంగ్రెస్ కౌన్సిలర్లు అవిశ్వాసం నోటీసు ఇచ్చారు. పలువురు బీఆర్ఎస్కౌన్సిలర్లు కూడా పార్టీని వీడి కాంగ్రెస్లో చేరారు. ఇంకా కొందరు కౌన్సిలర్లతో పాటు నాయకులు బీఆర్ఎస్ను వీడనున్నట్లు ప్రచారం జరుగుతోంది.
