అందం, అభినయం కలగలిసిన రూపం శ్రియా శరణ్. హీరోయిన్‌‌గా కెరీర్ ప్రారంభించి రెండు దశాబ్ధాలు దాటినా ఇప్పటికే అదే అందంతో అభిమానులను ఆకట్టుకుంటోందామె. పెళ్లి తర్వాత ఫ్యామిలీకి టైమ్ కేటాయిస్తూ సెలక్టివ్‌‌గా సినిమాలు చేస్తున్న ఆమె.. ప్రస్తుతం సూర్య సినిమాలో నటిస్తోంది. సూర్య హీరోగా కార్తిక్ సుబ్బరాజ్ దర్శకత్వంలో ఓ చిత్రం తెరకెక్కుతోంది. సూర్య కెరీర్‌‌‌‌లో ఇది 44వ సినిమా. ఇందులో పూజాహెగ్డే హీరోయిన్. ఈ యాక్షన్ ఎంటర్‌‌‌‌టైనర్‌‌‌‌లో శ్రియా ఓ స్పెషల్ సాంగ్‌‌లో కనిపించబోతోంది.
ఇటీవల ఓ ఇంటర్వ్యూలో ఈ విషయాన్ని కన్‌‌ఫర్మ్ చేసిన ఆమె, చాలా అందంగా, క్లాసీగా ఈ పాటను చిత్రీకరించినట్టు చెప్పింది. ఏడేళ్ల తర్వాత కోలీవుడ్‌‌లో రీఎంట్రీ ఇస్తుండడం సంతోషంగా ఉందని, సూర్యతో ఫస్ట్ టైమ్ కలిసి వర్క్ చేస్తున్నట్టు ఆమె తెలిపింది. ఇక ఐటమ్ సాంగ్స్‌ చేయడం శ్రియకు కొత్తేమి కాదు. ‘దేవదాసు’ మొదలు అనేక చిత్రాల్లో ఆమె స్పెషల్ సాంగ్స్‌‌లో మెరిసింది. ఇక ప్రస్తుతం ‘దృశ్యం 3’ హిందీ వెర్షన్‌‌లో అజయ్ దేవగన్తో కలిసి
శ్రియా నటిస్తోంది.
