నల్గొండ చైర్మన్​ రేసులో... మళ్లీ ఆ ఇద్దరు

• కాంగ్రెస్ ఫ్లోర్ లీడర్ బుర్రి శ్రీనివాస్ రెడ్డి , బీఆర్ఎస్​ నుంచి కాంగ్రెస్​లో చేరిన వైస్​ చైర్మన్​ అబ్బగోని రమేశ్ గౌడ్​ మధ్య పోటీ
• 2014 నుంచి చైర్మన్​ పీఠం కోసం బుర్రి ఫైటింగ్​ 
• మళ్లీ 2018లో చైర్మన్​ పదవి కోసం పోటీ పడ్డ బుర్రి, అబ్బగోని 
• సిట్టింగ్ చైర్మన్ సైదిరెడ్డి మీద అవిశ్వాసం పెట్టింది మళ్లీ వాళ్లే

నల్గొండ, వెలుగు : నల్గొండ మున్సిపాలిటీ పై లీడర్ల ఫోకస్​ పెరుగుతోంది. మరోవైపు ఉమ్మడి జిల్లాలోని మున్సిపాలిటీల్లో ప్రస్తుత పాలకవర్గాల పైన అవిశ్వాస తీర్మానాలు ఊపందుకున్నాయి. సిట్టింగ్​ చైర్మన్లను గద్దె దింపితే ఆ స్థానంలో​ కొత్తగా ఎన్నికయ్యే చైర్మన్ల గురించే ఇప్పుడు చర్చ నడుస్తోంది.  

మంత్రి ఇలాకాలో పదువులు ఎవరికో

మంత్రి కోమటిరెడ్డి వెంకట్​రెడ్డి ఇలాకా నల్లగొండలో మున్సిపల్​ చైర్మన్​ పదవి  కోసం కాంగ్రెస్​లో ఇద్దరు సీనియర్లు పోటీ పడుతున్నారు. మున్సిపల్​ ఫ్లోర్​ లీడర్​ బుర్రి శ్రీనివాస్​ రెడ్డి, బీఆర్​ఎ స్​ నుంచి కాంగ్రెస్​లో చేరిన వైస్​ చైర్మన్​ అబ్బగోని రమేశ్​ గౌడ్​ చైర్మన్​ పదవి ఆశిస్తున్నారు. మంత్రి కోమటిరెడ్డి ప్రధాన అనుచరుడైన బుర్రి శ్రీనివాస్​ రెడ్డికే మొదటి ప్రాధాన్యం ఉంటదని పార్టీ వర్గాలు చెబుతున్నాయి. కానీ అసెంబ్లీ ఎన్నికలకు ముందు కాంగ్రెస్​లో చేరిన రమేశ్​​గౌడ్​ చైర్మన్​ ఇస్తామన్న హామీ మేరకే పార్టీలోకి వచ్చినట్టు ప్రచారం జరుగుతోంది. 

 కుర్చీ కోసం వెయిటింగ్​....

2014లో నల్గొండ మున్సిపాలిటీ జనరల్​ మహిళకు రిజర్వు కాగా .. ఓసీ లకు కేటాయించారు. ఆ ఎన్నికల్లో మాజీ జడ్పీటీసీ గుమ్మల మోహన్​ రెడ్డి, బుర్రి శ్రీనివాస్​ రెడ్డి చైర్మన్​ పదవి కోసం పోటీపడ్డారు. కానీ మంత్రి కో మటిరెడ్డి గుమ్మలకు అవకాశం ఇచ్చారు. 

అయితే ఆ ఎన్నికల్లో కౌన్సిలర్​ గా పోటీ చేసిన మోహన్​ రెడ్డి భార్య ఓడిపోయింది. దీంతో చైర్మన్​ ఛాన్స్​ బీ సీలకు దక్కింది. అప్పుడు అబ్బగోని రమేశ్​ గౌడ్​ భార్యను చైర్​పర్సన్​ చేయాలని అనుకున్నారు. అయితే అప్పటికే రెండు టర్మ్​లు గౌడ సామాజిక వ ర్గానికి అవకాశం ఇవ్వడంతో రమేశ్​ భార్యకు మిస్​ అయ్యింది. దీంతో బొ డ్డుపల్లి లక్ష్మీని చైర్​పర్సన్​ గా  ఎన్నుకున్నారు. ఈ రకంగా శ్రీనివాస్ రెడ్డి, రమేశ్​గౌడ్​ ఫ్యామిలీకి చైర్మన్​ అయ్యే అదృష్టం తొలి ప్రయత్నంలోనే చేజారగా..  వైస్​ చైర్మన్​ పదవితో శ్రీనివాస్​ రెడ్డి సంతృప్తి పడ్డారు. 

ఇద్దరూ మళ్లీ ఒకేపార్టీలో...

శ్రీనివాస్ రెడ్డి, రమేశ్​గౌడ్​ కలిసి ప్రస్తుత పాలకవర్గం మీద అవిశ్వాసం తీర్మానం పెట్టాలని కలెక్టర్​కు తీర్మానం అందజేశారు. కాంగ్రెస్​ ఫ్లో ర్​ లీడర్​ శ్రీనివాస్​ రెడ్డికాగా..   వైస్​ చైర్మన్​ పదవిలో రమేష్ ఉన్నారు. ఇటు కాంగ్రెస్​, అటు బీఆర్ఎస్ నుంచి కాంగ్రెస్​లో చేరిన కౌన్సిలర్లతో కలిపి ప్రస్తు తం మున్సిపాలిటీలో కాంగ్రెస్ బలం 30 దాటింది. మంత్రి కోమటిరెడ్డి, ఎమ్మెల్సీ నర్సిరెడ్డి ఎక్స్​ ఆఫిషియో సభ్యుల ఓట్లతో కాంగ్రెస్ బలం 40కి చేరే అవకాశం ఉంది.  

వీళ్లద్దరిలో అసలు చైర్మన్ ఎవరు అవుతారనే దాని పైన సస్పెన్స్​ నెలకొం ది. ఇంకో ఏడాదిలో పాలకవర్గాల పదవీ కాలం పూర్తివుతుంది. ఇప్పుడు చైర్మన్​గా ఎన్నికయ్యే వారే వచ్చే టర్మ్​లో కూడా కొనసాగుతారని చెబుతు న్నారు. ఇప్పుడున్న రిజర్వేషన్లే వచ్చే టర్మ్​లో కూడా ఉంటాయి. కాబట్టి ఇప్పుడు ఎన్నికయ్యే చైర్మన్​ పైనే సర్వత్రా ఆసక్తి నెలకొంది. మెజార్టీ కౌన్సిలర్లు శ్రీనివాస్​ రెడ్డి వైపే ఉన్నారని చెబుతున్నారు. అదే నిజమైతే ర మేశ్​ గౌడ్​కు ఏ పదవి దక్కుతుందనేది ఇప్పటికైతే సస్పెన్స్​. 

2020 ఎన్నికల్లో మరోసారి చేజారిన పీఠం..

2020 ఎన్నికల్లో కాంగ్రెస్​ చైర్మన్ క్యాండిడేట్​ బుర్రి శ్రీనివాస్​ రెడ్డిని ప్రకటిం చడంతో ఎన్నికల్లో కౌన్సిలర్ల గెలుపు కోసం గట్టిగానే కష్టపడ్డారు. 48వార్డు లకుగాను 20చోట్ల కాంగ్రెస్​ గెలిచింది. బలం చాలకపోవడంతో ఇండిపెడెం ట్​ ఒకరు, బీజేపీ కౌన్సిలర్ల సపోర్ట్​తో చైర్మన్​ కావాలని భావించారు. కానీ తీరా పాలకవర్గం ఎన్నికల టైంలో బీజేపీ హ్యాండ్​ ఇచ్చి, బీఆర్​ఎస్​కు సపో ర్ట్​ చేయడంతో శ్రీనివాస్​ రెడ్డికి మరోసారి చైర్మన్​ ఛాన్స్​ చేజారింది. 

ఇక బీ ఆర్​ఎస్​లో అబ్బగోని రమేశ్​, పిల్లి రామరాజు యాదవ్​లు చైర్మన్​ కోసం పో టీపడ్డారు. 2020 ఎన్నికలకు ముందు కాంగ్రెస్​లో ఉన్న రమేశ్​ గౌడ్​ చై ర్మన్​ పదవి ఆఫర్​ చేయడంతో బీఆర్​ఎస్​లో చేరారు. కానీ అప్పటి ఎమ్మె ల్యే కంచర్ల భూపాల్​ రెడ్డి ఆయన ప్రధాన అనుచరుడు మందడి సైదిరెడ్డికి చైర్మన్​ పదవి కట్టబెట్టారు. చైర్మన్​ కావాల్సిన రమేశ్​ చివరకు వైస్​ చైర్మన్​ పదవితో సరిపెట్టుకోవాల్సి వచ్చింది. కాంగ్రెస్​, బీఆర్​ఎస్ రాజకీయ ఎత్తు ల్లో భాగంగా చైర్మన్​ కావాల్సిన శ్రీనివాస్​రెడ్డి, రమేశ్​ గౌడ్ గత రెండు టర్మ్​ ల పాలనలో వైస్​ చైర్మన్ పదవులతోనే సంతృప్తి చెందారు.