![అగ్నివీర్ వాయు మ్యూజిషియన్ పోస్టులకు నోటిఫికేషన్](https://static.v6velugu.com/uploads/2024/05/agniveer-vayu-musician-posts-notification-release_1nobTXIewu.jpg)
నిజామాబాద్, వెలుగు : ఇండియన్ ఎయిర్ ఫోర్స్లో అగ్నివీర్ వాయు మ్యూజిషియన్ పోస్టుల అపాయింట్మెంట్కు నోటిఫికేషన్ వెలువడిందని కలెక్టర్ రాజీవ్గాంధీ హనుమంతు తెలిపారు. టెన్త్ పాసై, 2 జనవరి 2004 నుంచి 2 జులై 2007లోపు పుట్టిన పెండ్లి కాని యూత్ దరఖాస్తులు చేసుకోవాలన్నారు. పియానో, గిటార్, వయోలిన్, శాక్సోఫోన్, తబలా తదితర వాయిద్య పరికరాలలో ఒకదానిపై ప్రావీణ్యం ఉన్న వారు అర్హులని అన్నారు.
అర్హతగల అభ్యర్థులు జూన్ 5 లోపు https://agnipathvayu.cdac.in/ ద్వారా అన్లైన్ అప్లికేషన్ సమర్పించాక ఆన్లైన్లోనే టెంపరరీ అడ్మిట్ కార్డు జారీ అవుతుందన్నారు. అందులో రిక్రూట్మెంట్ ర్యాలీకి చెందిన ప్రదేశం, డేట్, టైం వివరాలు ఉంటాయన్నారు. ఈ అడ్మిట్కార్డుతో వెళ్తేనే ర్యాలీ అటెండ్ కావడానికి అనుమతిస్తారన్నారు.