నాగర్ కర్నూల్ టౌన్, వెలుగు : ఇండియన్ ఎయిర్ ఫోర్స్, అగ్నివీర్లో చేరాలని అగ్నివీర్ వింగ్ కమాండర్ అనుప్రీతి పిలుపునిచ్చారు. శుక్రవారం పట్టణంలోని డిగ్రీ కాలేజీలో అవగాహన సదస్సు నిర్వహించారు. ఈ సందర్భంగా ఆమె మాట్లాడుతూ విద్యార్థులు, యువకులు ఇండియన్ ఎయిర్ ఫోర్స్, అగ్ని వీర్ లో చేరేందుకు మూడు రౌండ్లలో జరిగే ఆన్లైన్ ఎగ్జామ్, ఫిజికల్, మెడికల్ టెస్ట్ లో పాల్గొనాలని సూచించారు.
ఎన్సీసీ సి సర్టిఫికెట్ ఉంటే ఎంపికలో ప్రాధాన్యత ఉంటుందన్నారు. యువత వ్యసనాలకు బానిస కాకుండా దేశ రక్షణలో భాగస్వాములు కావాలని కోరారు. ప్రిన్సిపాల్ ఖమర్ సుల్తానా, కమాండర్ సందీప్, డీఈవో గోవిందరాజులు పాల్గొన్నారు.
