అఖిల్ సార్థక్, ఆర్ జే కాజల్, శుభశ్రీ, మిర్చి కిరణ్, రీతూ చౌదరి, స్వాతి చౌదరి, వసంతిక, మహేశ్ విట్టా ప్రధాన పాత్రల్లో నటించిన వెబ్ సిరీస్ ‘వేరే లెవెల్ ఆఫీస్’. ఇ సత్తిబాబు దర్శకత్వంలో వరుణ్ చౌదరి గోగినేని నిర్మించారు. డిసెంబర్ 12 నుంచి ఆహాలో ఈ సిరీస్ స్ట్రీమింగ్ కానుంది. సోమవారం ట్రైలర్‌ రిలీజ్ ఈవెంట్‌‌ను నిర్వహించారు. 50 ఎపిసోడ్స్‌‌గా ఈ సిరీస్ రాబోతోందని, షూటింగ్ చాలా సందడిగా జరిగిందని నటీనటులు చెప్పారు.
డైరెక్టర్ సత్తిబాబు మాట్లాడుతూ ‘తమిళంలో ‘వేరే మాదిరి ఆఫీస్’ వెబ్ సిరీస్ పెద్ద సక్సెస్ అయ్యింది. దాన్ని తెలుగులోకి తీసుకొచ్చే ప్రయత్నం చేశాం. మన దగ్గర ఉండే కార్పొరేట్ ఫ్యామిలీస్ అందరికీ ఈ సిరీస్ బాగా కనెక్ట్ అవుతుంది. పేరుకు తగినట్లే ఈ సిరీస్ వేరే లెవెల్‌‌లో ఉంటుంది’ అని చెప్పాడు. నిర్మాత కృపాచంద్, స్క్రిప్ట్ రైటర్ ఎన్ షణ్ముక్ శ్రీనివాస్, మ్యూజిక్ డైరెక్టర్ అజయ్ అరసాడ పాల్గొన్నారు.
