టాలీవుడ్ ప్రముఖ హీరో నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ షోకి అల్లు అర్జున్ గెస్ట్ గా వచ్చాడు. దీంతో ఇటీవలే షో నిర్వాహకులు అల్లు అర్జున్ ఎపిసోడ్ కి సంబందించిన ప్రోమో ని రిలీజ్ చేశారు. ఈ ప్రోమోలో అల్లు అర్జున్ పలు ఆసక్తికర విషయాలను ఆడియన్స్ తో పంచుకున్నాడు.
ముందుగా బాలకృష్ణ పుష్ప సినిమాలోని తగ్గేదేలే అనే డైలాగ్ చెబుతూ అల్లు అర్జున్ ఎంట్రీతో ప్రోమో స్టార్ట్ అవుతుంది. బాలకృష్ణ అల్లు అర్జున్ ని పార్టీ ఇవ్వాలని అడగ్గా మీ మ్యాన్షన్ లో చిన్న హౌస్ పార్టీ ఇస్తానంటూ సరదాగా నవ్వించాడు. ఆ తర్వాత బాలకృష్ణ కృష్ణ-అర్జున్ డైలాగ్ చెప్పగా మీరు గీత చెప్పండి మేం కురుక్షేత్రం చేస్తామని బన్నీ తెలిపాడు. నేషనల్ అవార్డు గురించి మాట్లాడుతూ ఇప్పటివరకూ తెలుగు నటులకి కనీసం ఒక్క నేషనల్ అవార్డు కూడా రాకపోవడంతో చాలా బాధేసిందని అందుకే టార్గెట్ చేసి కష్టపడి నేషనల్ అవార్డ్ సాధించానని చెప్పుకొచ్చాడు.
ఇక ఆడపిల్లలకి అన్యాయం జరిగితే అస్సలు సహించలేనని అన్నాడు. తన వైఫ్ అల్లు స్నేహారెడ్డి కారణంగా లైఫ్ పూర్తిగా మారిందని తెలిపాడు. యాక్టింగ్ విషయానికొస్తే రష్మిక, పూజా హెగ్డేలతో నటించే ఆఫర్ వస్తే ఎవరిని ఎంచుకుంటారని బాలయ్య అడగ్గా బన్నీ వెంటనే నేషనల్ క్రష్ రష్మిక అని చెప్పాడు. అల్లు అర్జున్ తల్లి నిర్మల కూడా అల్లు అర్జున్ గురించి పలు ఆసక్తికర విషయాల్ని పంచుకుంది.
చివర్లో పుష్ప 3 లో నేను నటిస్తానని బాలకృష్ణ చెప్పగా, అయితే అఖండ 3 లో నేను నటిస్తానని అల్లు అర్జున్ చెబుతూ అందరినీ నవ్వించారు. ఓవరాల్ గా ప్రోమో బాగున్నప్పటికీ పుష్ప 2 గురించి ఇంట్రెస్టింగ్ విషయాలు ప్రస్తావన ఈ ఎపిసోడ్ లో పెద్దగా లేనట్లు తెలుస్తోంది. ఈ ఫుల్ ఎపిసోడ్ ఆహా లో నవంబర్ 15న రిలీజ్ కానుంది.
