పారిస్లో ఏర్పాటు చేసిన స్టేషన్ ఎఫ్, టొరంటోలోని మార్స్ డిస్కవరీ డిస్ట్రిక్ట్ వంటి వాటిని ఎగ్జాంపుల్గా తీసుకుని మన రాష్ట్రంలోనూ ఏఐ సిటీని సర్కారు ఏర్పాటు చేస్తున్నది తెలంగాణ ప్రభుత్వం. దాదాపు 200 ఎకరాల్లో దానిని నిర్మించాలని ఇప్పటికే నిర్ణయించుకుంది. దేశంలోనే మొట్టమొదటి అతిపెద్ద ఏఐ సిటీగా దానిని రూపుదిద్దేందుకు కసరత్తులను ప్రారంభించింది. డేటా సెంటర్లు, హై పెర్ఫార్మెన్స్ కంప్యూటింగ్ ఫెసిలిటీలు, సంస్థలు పెద్ద సంఖ్యలో కొత్త ఆవిష్కరణలు చేసేలా సంస్థలను ఎంపవర్ చేసే కేంద్రాలను ఏఐ సిటీలో ఏర్పాటు చేయనుంది. ఏఐ సిటీలో పెట్టుబడులు పెట్టే కంపెనీలకు ట్యాక్సుల రూపంలో ఇన్సెంటివ్స్ను సర్కారు అందించనుంది.
Also Read:-హైదరాబాద్ లో విస్కీ ఐస్ క్రీమ్
ఏఐ సిటీకి అనుబంధంగా రీసెర్చ్ సెంటర్లు, స్కిల్ యూనివర్సిటీలను ఏర్పాటు చేయనుంది. ప్రజలు అత్యాధునిక ఏఐ టెక్నాలజీస్ను అందిపుచ్చుకునేలా ఏఐ సిటీలో ఏఐ సెంటర్ ఫర్ ఫ్యూచర్ను అభివృద్ధి చేయనుంది. ప్రపంచంలో ఉన్న ఏఐ అప్లికేషన్లపై ఇందులో ఎగ్జిబిషన్లు, వర్క్షాప్స్, డిమాన్స్ట్రేషన్లను ఇవ్వనున్నారు. అంతేగాకుండా ఏఐ కళాక్షేత్ర పేరిట కల్చరల్ క్రియేటివ్ ఏఐ జోన్ను సర్కారు ఏర్పాటు చేయనుంది. కళలు, సంస్కృతిని ఏఐ టెక్నాలజీతో మేళవించి ఆర్టిస్టిక్ క్రియేటివిటీని దానికి కూర్చనుంది.
50 యానోటేషన్ సెంటర్లు
ఏఐ మోడల్స్ అభివృద్ధికి డేటా యానోటేషన్ (ఓ కామెంట్ లేదా పదానికి వివరణాత్మక నోట్ఇవ్వడం) చాలా కీలకం. ఇందులో భాగంగానే యానోటేషన్ హబ్ను రాష్ట్ర సర్కారు ఏర్పాటు చేయాలని నిర్ణయించింది. రాష్ట్రవ్యాప్తంగా 50 యానోటేషన్ సెంటర్లను ఏర్పాటు చేయనుంది. తద్వారా పది వేల ఉద్యోగాలను సృష్టించనుంది. ఈ ప్రోగ్రామ్లో భాగంగా చదువుకునేటప్పుడే విద్యార్థులు సంపాదించు కునేలా డేటా యానోటేషన్పై ప్రోత్సహించనుంది. నెలకు రూ.5 వేలు సంపాదించుకు నేలా విద్యార్థులకు అవకాశాలు కల్పించనుంది. అందుకు ‘తెలంగాణ వైభవం – ఏఐ ప్రోగ్రామ్’ను ప్రభుత్వం చేపట్టనుంది.
ఇందులో భాగంగా పది లక్షల మంది డేటా యానోటేషన్స్ చేసి.. వెయ్యి కోట్ల టోకెన్లను జనరేట్ చేసేలా చర్యలు తీసుకోనుంది. తెలంగాణ సంస్కృతికి సంబంధించి ఏఐ డేటా సెట్స్ను రూపొందించేందుకు ఈ తెలంగాణ వైభవం ఏఐ ప్రోగ్రామ్ను సర్కారు తీసుకొస్తున్నది. సీఎం నేతృత్వంలో దీనిపై భారీ ప్రచారాన్ని నిర్వహించనున్నారు. ప్రజలు తెలంగాణ సంస్కృతిపై డేటా సెట్స్ ప్రిపేర్ చేసేలా ప్రోత్సహించనున్నారు.
స్కూళ్లలో ఏఐ పాఠాలు
15 నుంచి 18 ఏండ్ల మధ్య ఉన్న విద్యార్థులకు ఏఐ ఫౌండేషనల్ నాలెడ్జ్ను పెంపొందించేలా స్కూళ్లలో ఏఐని సర్కారు తీసుకొచ్చేందుకు కసరత్తులు చేస్తున్నది. 2025–26 విద్యా సంవత్సరం నుంచి స్కూళ్లలోనూ ఏఐ కరికులమ్ను తీసుకురావాలని నిర్ణయించింది. అందులో భాగంగా స్కూళ్లకు ఏఐ లెర్నింగ్ కిట్స్ను అందించడంతో పాటు టీచర్లకు ఏఐపై శిక్షణ ఇవ్వనుంది. 2027 నాటికి అన్ని సీనియర్ సెకండరీ స్కూళ్లలో అన్ని ఏఐ విభాగాలను కవర్ చేసేలా ప్రణాళికలను రూపొందించుకుంది. 5 వేల ప్రభుత్వ బడుల్లో ఏఐ పాఠాలు తీసుకురావాలని సంకల్పంగా పెట్టుకుంది.
20 వేల టీచర్లకు ఏఐపై శిక్షణ ఇవ్వడంతో పాటు 5 లక్షల మంది సీనియర్ సెకండరీ విద్యార్థులకు ఏఐలో స్కిల్స్ పెంచాలని టార్గెట్ పెట్టుకుంది. ఏఐ సిలబస్ను నాలుగు కాంపోనెంట్లుగా విభజించాలని సర్కారు నిర్ణయించింది. ఐవోటీ, క్లౌడ్ యాక్సెస్, ఏఐ టూల్స్, లైసెన్సెస్, టీచర్ ట్రైనింగ్ కాంపోనెంట్లుగా విభజించి శిక్షణ ఇస్తారు.
ఏఐ, ఏఐ టూల్స్ ఇంట్రడక్షన్: ఏఐ, ఏఐ టూల్స్ అంటే ఏంటి.. వాటి వల్ల ఉపయోగాలేంటి, సమాజంపై ప్రభావం, డేటా లిటరసీ, డేటా కలెక్షన్, క్లీనింగ్ వంటి టాపిక్స్ను విద్యార్థులకు చెప్తారు. గూగుల్ టెన్సర్ ఫ్లో, మైక్రోసాఫ్ట్ అజూర్ ఎంఎల్, ఐబీఎం వాట్సన్, పైథాన్ వంటి ఓపెన్ సోర్స్ టూల్స్ ద్వారా విద్యార్థులకు శిక్షణ ఇస్తారు.
ఏఐతో అనుభవాత్మక లెర్నింగ్: ఏఐని ప్రాక్టికల్గా ఇంప్లిమెంట్ చేసే ప్రాజెక్టులపై విద్యార్థులకు ట్రైనింగ్ ఇస్తారు. రోజువారీ సమస్యల పరిష్కారం కోసం ఏఐ వాడకంపై విద్యార్థులకు ఎక్స్పీరియన్స్ వచ్చేలా ట్రైనింగ్ ఇస్తారు. ఇంటెల్స్ ఏఐ ఫర్ యూత్ ప్రోగ్రామ్ ఆధారంగా దీనిని డిజైన్ చేశారు. స్కూళ్లలో ఏఐ ల్యాబ్స్ను ఏర్పాటు చేయనున్నారు.
అందరికీ ఏఐ
విద్యార్థులు, యూత్కే కాకుండా 15 నుంచి 60 ఏండ్ల వాళ్లందరికీ ఏఐని చేరువ చేయాలని సర్కా ర్ తన ఏఐ రోడ్ మ్యాప్లో నిర్దేశించుకుంది. సీని యర్ సిటిజెన్లు (ఆరోగ్యాన్ని పర్యవేక్షించడం, టైం కు మందులేసుకునేలా వారికి గుర్తుచేయడం, సాయం), హెల్త్కేర్ ప్రొఫెషనల్స్ (పేషెంట్ మేనేజ్మెంట్, డయాగ్నస్టిక్ టూల్స్, టెలీమెడిసిన్), టీచ ర్లు/లెక్చరర్లు (పర్సనలైజ్డ్ లెర్నింగ్, గ్రేడింగ్, అసెస్మెంట్స్, అడ్మిన్ టాస్క్స్), గిగ్ ప్రొఫెషనల్స్ (వర్క్ షెడ్యూల్స్ను ఆప్టిమైజ్ చేయడం, జాబ్ సెర్చ్, ఆర్థిక పరిస్థితులను నిర్వహించుకోవడం), వైట్ కాలర్ ప్రొఫెషనల్స్, బ్లూ కాలర్ ప్రొఫెషనల్స్ (జాబ్ సేఫ్టీ పెంచడం, శిక్షణ, సామర్థ్యపెంపు) వంటి వారందరికీ ఏఐపై శిక్షణ ఇవ్వనుంది.
యూనిఫైడ్ ఏఐ సర్వీసెస్
టీ హబ్, వీ హబ్, టీవర్క్స్, వై హబ్, టాస్క్ ఇతర సంస్థలు రాష్ట్రంలో ఏఐ స్టార్టప్ ఎకో సిస్టమ్ను సపోర్ట్ చేస్తున్నాయి. వీటిన్నింటి ఆధారంగా ఓ సెంట్రలైజ్డ్ సపోర్ట్ సిస్టమ్ను ఏర్పాటు చేయనుంది. దీని ద్వారా హెల్త్ కేర్, అగ్రికల్చరల్, ఫైనాన్షియల్ సర్వీసెస్ వంటి డొమెయిన్లకు యూనిఫైడ్ వెబ్ ఇంటర్ఫేస్ను రూపొందించనున్నారు.
యూనివర్సిటీ స్టూ డెంట్లు, మహిళా ఇన్నోవేటర్లను గుర్తించడం, వాళ్లు తయారుచేసిన ప్రాజెక్టుల మెచ్చూరిటీ ఫేజ్ను ఐ డెంటిఫై చేయడం ఈ యూనిఫైడ్ వెబ్ ఇంటర్ఫేజ్ చేస్తుంది. ఏఐ స్టార్టప్స్ కోసం పబ్లిక్ డైరెక్టరీని ఏ ర్పాటు చేయనుంది. ఏఐలో కొత్త ఆవిష్కరణలకు సర్కారు ఫండింగ్ ఇవ్వనుంది. ప్రైవేట్ ఈక్విటీ, వెం చర్ క్యాపిటల్, గ్రాంట్ల రూపంలో సాయం చేస్తుంది.
ఉపాధికి ఏఐ
ఏఐ స్కిల్స్తో కూడిన ఉపాధిని పెంచేందుకు సర్కారు ప్రయత్నాలు చేస్తున్నది. సాఫ్ట్వేర్, సేవల రంగాల్లో 2027 నాటికి ఏఐ వాడకం 35 శాతం వరకు పెరగొచ్చని సర్కారు అంచనా వేస్తున్నది. అందులో భాగంగా హై క్వాలిటీ కోర్సులను గుర్తించి ఫోకస్ పెట్టేలా 18 నుంచి 45 ఏండ్ల మధ్య ఉన్న వారికి ఏఐ ఫర్ ఎంప్లాయ్మెంట్ స్కీమ్ కింద శిక్షణ ఇవ్వనుంది. స్థానిక భాషల్లోనే కరికులం ఉండి అభ్యర్థులు నేర్చుకునేందుకు వీలు కల్పించనుంది.
దీనిని తెలంగాణ అడ్వైజరీ కౌన్సిల్ ఎప్పటికప్పుడు మానిటర్ చేస్తుంటుంది. 2027 నాటికి 5 లక్షల మంది స్కిల్డ్ యూత్ను తయారు చేసి ఉపాధిని కల్పించాలని లక్ష్యంగా పెట్టుకుంది. దీని కోసం ఆరు అంచెల విధానంలో వారికి శిక్షణ ఇవ్వనుంది. లీనియర్ ఆల్జీబ్రా కాల్క్యులస్, ప్రాబబిలిటీ స్టాటిస్టిక్స్, పైథాన్ ప్రోగ్రామింగ్, మెషీన్ లెర్నింగ్ ఇంట్రడక్షన్, న్యూరల్ నెట్వర్క్స్ డీప్ లెర్నింగ్, మోడల్ ఎవాల్యుయేషన్ ఆప్టిమైజేషన్లపై శిక్షణ ఇస్తుంది. ఓపెన్ నెట్వర్క్ ఫర్ ఎడ్యుకేషన్ స్కిల్లింగ్ ట్రాన్సాక్షన్ (ఓనెస్ట్) ద్వారా కెరీర్లో ఎదిగేలా చూస్తారు. గ్రామీణ ప్రాంతాలకు చెందిన వాళ్లు, మహిళలు, ఆర్థికంగా వెనుకబడినవాళ్లు, సామాజికంగా వెనుకబడినవాళ్లకూ దీంట్లో అధిక ప్రాధాన్యం ఇవ్వనున్నారు.
లోకల్ లాంగ్వేజ్లో డేటా
మన భాషలో డేటా సెట్స్ను, మోడల్స్ను సర్కారు అభివృద్ధి చేయనుంది. ప్రస్తుతం ఉన్న డేటాసెట్స్ ద్వారా ట్రాన్స్లేట్ చేసి.. మళ్లీ దానిని ఒరిజినల్ లాంగ్వేజ్లోకి మార్చడం పెద్ద టాస్క్ అయిపోతున్నది. ఈ నేపథ్యం లోనే లోకల్ లాంగ్వేజ్(తెలుగు)లోనే డేటా సెట్స్ను సిద్ధం చేసేలా ఏఐ సాంకేతికతను తీసుకురానుంది. మన సంస్కృతి, మన భాషలో తేడా లేకుండా సమర్థవంతంగా డేటాసెట్స్ను తయారు చేసి ప్రజలకు అందించ నున్నారు.
ఇందులో భాగంగా మూడు స్థాయిల్లో దానిని ప్రాసెస్ చేయనున్నారు. డేటా ప్రొటెక్షన్ అండ్ ప్రైవసీ చట్టానికి లోబడి ఇవన్నీ చేస్తారు. అందుకు తగ్గట్టు తెలుగు లాంగ్వేజ్ మోడల్స్, స్టాటిస్టికల్ లాంగ్వేజ్ మోడల్స్, ఆటోమేటిక్ స్పీచ్ రికగ్నిషన్ వ్యవస్థలను సిద్ధం చేస్తారు. స్థానిక యూనివర్సిటీలు, ఇన్నొవేటర్లతో ప్రభుత్వం ఒప్పందం చేసుకుంటుంది. 12 భాషల్లో నేచురల్ లాంగ్వేజ్ ప్రాసెసింగ్ చేసే ఇండిక్ బీఈఆర్టీ మోడల్ ఆధారంగా తెలుగు లాంగ్వేజ్కు ప్రత్యేకంగా ఒక లాంగ్వేజ్ మోడల్ను తీసుకొస్తారు. చందమామ కథలను ‘స్వేచ్ఛ’ అనే ఏఐ మోడల్ ద్వారా యానోటేట్ చేసినట్టే ప్రభుత్వ కార్యకలాపాలకు సంబంధించి యానోటేషన్ చేయిస్తారు.
