కల్వకుర్తి, వెలుగు: స్టూడెంట్లు సంబంధిత సబ్జెక్టుతో పాటు వర్క్ స్కిల్స్ పెంచుకోవాలని ఐక్యత ఫౌండేషన్ చైర్మన్ సుంకిరెడ్డి రాఘవేందర్ రెడ్డి సూచించారు. సోమవారం పట్టణంలోని ఓ ప్రైవేట్ ఫంక్షన్ హాల్ లో నిర్వహించిన విద్యావేత్తల రౌండ్ టేబుల్ సమావేశంలో మాట్లాడారు. రాష్ట్ర ప్రభుత్వం టాస్క్, ఐక్యత ఫౌండేషన్ ఆధ్వర్యంలో కల్వకుర్తిలో ఏర్పాటు చేయబోయే స్కిల్ డెవలప్మెంట్ సెంటర్కు సంబంధించి విద్యావేత్తలు తమ అమూల్యమైన సలహాలు ఇవ్వాలని కోరారు. విద్యాలయాలు, యూనివర్సిటీల్లో సబ్జెక్టు మాత్రమే బోధిస్తున్నారని, వర్క్ స్కిల్స్ లో నైపుణ్యత
లేకపోవడంతో కంపెనీల్లో పని చేసేందుకు అర్హత సాధించలేకపోతున్నారని తెలిపారు. రాష్ట్ర ప్రభుత్వం టాస్క్, ఐక్యత ఫౌండేషన్ ఆధ్వర్యంలో నిరుద్యోగులకు ట్రైనింగ్ ఇవ్వడంతో పాటు జాబ్ ఆఫర్ కూడా ఇచ్చేందుకు ఈ కార్యక్రమాన్ని చేపట్టిందన్నారు. ఇకపై ప్రభుత్వ, ప్రైవేట్ ఉద్యోగాల నోటిఫికేషన్ల గురించి నియోజకవర్గంలోని ప్రతి ఒక్కరికీ తెలిసేలా చర్యలు తీసుకుంటున్నామని తెలిపారు. విద్యావేత్తలు రాజేందర్, సదానందం గౌడ్, గోపాల్, శేఖర్, సందీప్, వివిధ కాలేజీల ప్రిన్సిపాళ్లు, టీచర్లు పాల్గొన్నారు.
