ప్రపంచంలోనే అతిపెద్ద ఏవియేషన్ డీల్ కుదిరించింది. విమానాల తయారీ సంస్థ ఎయిర్ బస్ నుంచి టాటా గ్రూపునకు చెందిన ఎయిరిండియా 250 విమానాలు కొనుగోలు చేయనుంది. ఈ మేరకు రెండు కంపెనీల మధ్య ఒప్పందం కుదిరింది. ఈ 250 ఎయిర్ క్రాఫ్ట్స్ లో 40 A350 వైడ్ బాడీ లాంగ్ రేంజ్ విమానాలతో పాటు 210 న్యారో బాడీ ఎయిర్ క్రాఫ్ట్ లు ఉన్నాయి. ఎయిరిండియాకు పూర్వ వైభవం తెచ్చే ప్రయత్నాల్లో భాగంగా కంపెనీ కొత్త విమానాలను కొనుగోలు చేస్తోంది. వాస్తవానికి ఎయిరిండియా470 కొత్త విమానాలను కొనుగోలు చేయనుంది. వాటిలో భాగంగా 250 విమానాల ఆర్డర్ ను ఎయిర్ బస్ కు ఇవ్వగా మరో 220 ఎయిర్ క్రాఫ్ట్ లను బోయింగ్ నుంచి కొనుగోలు చేయనుంది.
