2021–22 మధ్యకాలంలో ప్రపంచంలో బంగ్లాదేశ్ తర్వాత భారత్లోనే వాయు కాలుష్యం భారీ స్థాయిలో 19.3 శాతం అధికంగా తగ్గిందని, దీంతో భారతీయుల సగటు ఆయుర్ధాయం ఏడాదిపాటు పెరిగిందని చికాగో యూనివర్సిటీలోని ఎనర్జీ పాలసీ ఇన్స్టిట్యూట్ (ఈపీఐసీ) విడుదల చేసిన ఎయిర్ క్వాలిటీ లైఫ్ ఇండెక్స్–2024 నివేదికలో వెల్లడించింది.
భారత్లోని అత్యంత కలుషితమైన ఉత్తర మైదానాల్లో 2021తో పోలిస్తే 2022లో 17.2 శాతం కాలుష్య తగ్గుదల నమోదైనప్పటికీ 540.7 మిలియన్ల ప్రజలు నివసించే ఉత్తర మైదానాలు డబ్ల్యూహెచ్ఓ ప్రమాణాలతో పోలిస్తే ఆయుర్ధాయం 5.4 సంవత్సరాలు తగ్గడం విచారకరం. అయితే ధూళి కణాల కాలుష్యం స్థాయిల క్షీణత ఇలాగే కొనసాగితే రాబోయే సంవత్సరాల్లో ఇక్కడి వారి ఆయుర్ధాయం 1.2 సంవత్సరాలు పెరుగుతుంది.
Also Read :- జపాన్యానిమేటర్కు రామన్ మెగసెసె అవార్డ్స్ 2024
మహారాష్ట్ర, మధ్యప్రదేశ్, రాజస్థాన్లు అత్యధిక కాలుష్య భారాలు మోస్తున్నాయి. దీంతో ఆయా రాష్ట్రాల్లో నివసిస్తున్న వారు 2.9 సంవత్సరాల ఆయుష్షును కోల్పోతున్నారు.
పశ్చిమబెంగాల్లోని పురూలియా, బంకురా జిల్లాల్లో కాలుష్య తీవ్రత గణనీయంగా తగ్గింది. కాలుష్యం తగ్గుముఖం పట్టినా 42.6 శాతం మంది ప్రజలు జాతీయ వాయు నాణ్యత ప్రమాణమైన క్యూబిక్ మీటర్ కు 40 మైక్రోగ్రాముల కంటే ఎక్కువ ఉన్న ప్రాంతాల్లో నివసిస్తున్నారు.
