న్యూఢిల్లీ: విమానయాన సంస్థలు ఎయిర్ఇండియా, ఇండిగో బ్లాక్ ఫ్రైడే సేల్ను ప్రారంభించాయి. ఎయిర్ఇండియా శుక్రవారం నుంచి వచ్చే నెల రెండో తేదీ వరకు బుక్ చేసుకునే డొమెస్టిక్, ఇంటర్నేషనల్ టికెట్లపై భారీ రాయితీలు ఇస్తామని ప్రకటించింది. ఎయిర్ ఇండియా బ్లాక్ ఫ్రైడే సేల్‌‌‌‌‌‌‌‌లో దేశీయ విమానాల్లో 20 శాతం వరకు అంతర్జాతీయ రూట్‌‌‌‌‌‌‌‌లలో 12 శాతం వరకు చార్జీల తగ్గింపు ఉంటుంది.
వచ్చే ఏడాది జూన్ 30లోపు చేసే ప్రయాణాలకు ఈ ఆఫర్స్ వర్తిస్తాయి. ఆస్ట్రేలియా, ఉత్తర అమెరికా మధ్య విమానాల కోసం పొడిగించిన విండో, అక్టోబర్ 30, 2025 వరకు అందుబాటులో ఉంటుంది. అయితే, సీట్లు పరిమితంగా ఉంటాయి. ఇండిగో దేశీయ రూట్లకు రూ.1,199, అంతర్జాతీయ రూట్లకు రూ.5,199 నుంచి వన్-వే చార్జీలను అందిస్తోంది. ఈ రేట్లు జనవరి నుంచి మార్చి 31, 2025 వరకు చేసే ప్రయాణాలకు వర్తిస్తాయి.
