కోల్బెల్ట్, వెలుగు : కార్మికుల లాభాల వాటా, దసరా అడ్వాన్సులకు ఎన్నికల కోడ్తో ముడిపెట్టడం, దానిపై టీబీజీకేఎస్ మాట్లాడి ఇప్పించే ప్రయత్నం చేస్తుండటం సింగరేణి యాజమాన్యం కుట్ర అని ఏఐటీయూసీ కేంద్ర కమిటీ సెక్రటరీ ఎండీ అక్బర్ అలీ విమర్శించారు. గురువారం మందమర్రి ఏరియా రామకృష్ణాపూర్ ఓపెన్ కాస్ట్ గనిపై నిర్వహించిన గేట్ మీటింగ్లో ఆయన మాట్లాడారు. సంస్థ కార్మికుల బాగు కోసం ఆలోచించకుండా రాజకీయం చేస్తూ వాటా చెల్లింపును వాయిదా వేసి రాష్ట్ర సర్కార్కు మేలు చేస్తోందని ఆరోపించారు.
కార్మికుల కష్టార్జితంతో వస్తున్న సొమ్మును రాష్ట్ర సర్కార్ అక్రమంగా తరలించుకుపోతున్నా గుర్తింపు సంఘం టీబీజీకేఎస్, కోల్బెల్ట్ ప్రజాప్రతినిధులు అడ్డుకోవడంలేదన్నారు. ఈనెల 20న కార్మికులకు 32శాతం లాభాల వాటా, రూ.25వేల పండగ అడ్వాన్స్ చెల్లించాలని డిమాండ్ చేశారు. లేదంటే యూనియన్ ఆధ్వర్యంలో 23న కొత్తగూడెం కార్పొరేట్ఆఫీస్ను ముట్టడించి, నిరాహారదీక్ష, ఒక రోజు టోకెన్సమ్మెకు కార్మికవర్గం సిద్ధంగా ఉండాలని పిలుపునిచ్చారు.
ఏఐటీయూసీ బ్రాంచి వైస్ ప్రెసిడెంట్లు లింగయ్య, ఎ.ఆంజనేయులు, పిట్సెక్రటరీ సిలువేరు సంపత్, లీడర్లు వి.రాజేశ్వర్రావు, వెంకటేశ్వరరెడ్డి, శ్రీనివాస్, సిద్దం బాపు, రాజేందర్, వజీర్, దైవసహయం తదితరులు పాల్గొన్నారు.
