తమిళ స్టార్ హీరో అజిత్ కుమార్(Ajith kumar) ప్రస్తుతం వరుస సినిమాలు చేస్తూ ఫుల్ జోష్ లో ఉన్నారు. ఆయన నటించిన లాస్ట్ మూవీ "తునీవు"(Thunivu)తో కెరీరి బిగ్గెస్ట్ హిట్ అందుకుంది. బ్యాంకు రాబరీ నేపథ్యంలో వచ్చిన ఈ క్రైమ్ థ్రిల్లర్ మూవీ తెలుగులో కూడా మంచి విజయాన్నే అందుకుంది. సంక్రాంతి కానుకగా వచ్చిన ఈ మూవీ బాక్సాఫీస్ దగ్గర రూ. 230 కోట్లు కొల్లగొట్టింది.
దీంతో అజిత్ చేయబోయే తరువాత సినిమాపై ఇప్పటినుండే భారీ అంచనాలు నెలకొన్నాయి. అందుకే తగ్గట్టుగానే తన నెక్స్ట్ సినిమా ఉండేలా ప్లాన్ చేస్తున్నాడట అజిత్. పాన్ ఇండియా రేంజ్ లో తెరకెక్కబోతున్న ఈ సినిమాని.. లైకా(Lyca produc) సంస్థ నిర్మిస్తుండగా.. మగిళ్ తిరుమేణి డైరెక్ట్ చేయనున్నాడు. ఈ సినిమాకి లేటెస్ట్ మ్యూజిక్ సెన్సేషన్ అనిరుధ్ సంగీతం అందిస్తున్నాడు. మే 1న అజిత్ కుమార్ బర్త్ డే సంధర్బంగా ఈ సినిమా అఫీషియల్ గా మొదలుకానుంది.
అజిత్ బర్త్ డే రోజున AK 62 అఫీషియల్ అనౌన్స్మెంట్ ఇచ్చేసి, వీలైనంత త్వరగా సెట్స్ పైకి వెళ్లిపోవడానికి లైకా ప్రొడక్షన్స్ ప్లాన్ చేస్తుందట. ఈ వార్త బయటకి రావడంతో అజిత్ ఫ్యాన్స్ సోషల్ మీడియాలో AK 62 ట్యాగ్ ని ట్రెండ్ చేస్తున్నారు. ఇప్పుడే ఇలా ఉంటే మే 1న అజిత్ బర్త్ డే రోజు AK 62 అనౌన్స్మెంట్ ని ఫాన్స్ కలిపి ఏ రేంజులో సెలబ్రేట్ చేస్తారో చూడాలి మరి.
