టాలీవుడ్ స్టార్ హీరో పవన్ కళ్యాణ్ ఓజి సినిమాలో హీరోగా నటిస్తున్న విషయం తెలిసిందే. అయితే ఈ సినిమాలో హీరోయిన్ గా ప్రియాంక మోహన్ నటిస్తుండగా బాలీవుడ్ స్టార్ హీరో మరియు సింగర్ హిమేష్ రష్మి విలన్ పాత్రలో నటిస్తున్నాడు. అలాగే తమిళ్ హీరోయిన్ శ్రియా రెడ్డి, హరీష్ ఉత్తమన్, ప్రకాష్ రాజ్, అర్జున్ దాస్(తమిళ్ హీరో) తదితరులు ప్రధాన తారాగణంగా నటిస్తున్నారు. ప్రముఖ మ్యూజిక్ డైరెక్టర్ తమన్ సంగీతం అందించాడు. ఇప్పటికే ఈ సినిమా రిలీజ్ కావలసి ఉండగా షూటింగ్ పూర్తి కాకపోవడంతో వాయుదా పడింది. అయితే ఇప్పటికే ఈ సినిమా రిలీజ్ ఆలస్యం కావడంతో పవన్ ఫ్యాన్స్ నోరశాకి గురవుతున్నారు. దీంతో డైరెక్టర్ సుజిత్ షూటింగ్ ని వేగవంతం చేశారు.
అయితే ఓజి సినిమాలోని ఓ పాట ని వెటరన్ మ్యూజిక్ డైరెక్టర్, సింగర్ రమణ గోగులతో పాడించేందుకు తమన్ ప్లాన్ చేస్తున్నట్లు తెలుస్తోంది. అంతేగాకుండా ఈ సినిమాకి పవన్ కళ్యాణ్ తనయుడు అకీరా నందన్ పియానో వాయిస్తున్నట్లు సమాచారం. అయితే పియానో వాయించే విషయంలో ఇప్పటికే తమన్ దగ్గర 2 నెలలపాటూ ట్రైనింగ్ కోడా తీసుకున్నాడట. దీంతో అకీరా నందన్ కి ఓజి సినిమాలో ఛాన్స్ ఇవ్వాలని తమన్ భావిస్తునట్లు తెలుస్తోంది. ఈ అప్డేట్లు సోషల్ మీడియాలో వైరల్ అవుతున్నాయి.
ALSO READ | RGV: బాహుబలి కంటే బెటర్ సినిమా తీస్తారా అని అడిగితే సందీప్ రెడ్డి ఏం చెప్పాడంటే.?
ఈ విషయం ఇలా ఉండగా మ్యూజిక్ డైరెక్టర్ రమణ గోగుల దాదాపుగా 18 సంవత్సరాలు ఇండస్ట్రీకి దూరంగా ఉంటున్నాడు. ఇటీవలే ప్రముఖ డైరెక్టర్ అనిల్ రావిపూడి డైరెక్ట్ చేస్తున్న సంక్రాంతికి వస్తున్నాం సినిమాలో పాత ద్వారా మళ్ళీ రీ ఎంట్రీ ఇస్తున్నాడు. ఇక గతంలో రమణ గోగుల పవన్ కళ్యాణ్ హీరోగా నటించిన తమ్ముడు, బద్రి, అన్నవరం, జానీ తదితర సినిమాలకి మ్యూజిక్ అందించాడు. మళ్ళీ చాలాఏళ్ల తర్వాత పవన్ కళ్యాణ్ తో పని చేయనున్నాడు.
