- లక్ష ఇండ్లు కట్టి ఒక్కరికీ ఇవ్వని దుర్మార్గుడు
- నాలుగు స్కూల్స్ బాగు చేసి రాష్ట్రమంతా జిమ్మిక్కులు
- రైతు కాని వారికి రూ.28 వేల కోట్ల రైతు బంధా?
- మాజీ ఐఏఎస్ ఆకునూరి మురళి
నిజామాబాద్, వెలుగు : గతంలో గవర్నమెంట్నడిపిన పాలకులు 90 శాతం ప్రజల కోసం పనిచేసి 10 శాతం మాత్రమే రాజకీయాలు చేయగా సీఎం కేసీఆర్ ఒక శాతం పనిచేసి 99 శాతం పాలిటిక్స్ చేస్తున్నారని మాజీఐఏఎస్అధికారి ఆకునూరి మురళి అన్నారు. ఎనిమిది మంది సీఎంల దగ్గర 40 ఏండ్ల సర్వీసు చేసిన అనుభవంతో ఈ విషయం చెబుతున్నానన్నారు. ప్రజలను భ్రమలో పెట్టి సంపాదనకు ఎగబడడమే కేసీఆర్విధానమన్నారు. నిజామాబాద్లో మంగళవారం ‘జాగో తెలంగాణ’ పేరుతో నిర్వహించిన సభలో ఆయన మాట్లాడారు.
సీఎంగా కేసీఆర్ చేసిన రూ.19 లక్షల కోట్ల ఖర్చులో రూ.లక్ష కోట్లు విద్యపై, రూ.50 వేల కోట్లు వైద్యంపై వినియోగిస్తే అద్భుతమైన స్కూల్స్, హాస్పిటల్స్ ఏర్పడేవన్నారు. కార్పొరేట్ స్థాయి విద్య, వైద్యం అందేదన్నారు. గజ్వేల్, సిరిసిల్లా, సిద్దిపేటతో పాటు ఆయన మనువడు హిమాన్ష్ కట్టిన నాలుగు బడులను రాష్ట్రమంతా తిప్పి మొత్తం తెలంగాణ స్కూల్స్ఇలాగే ఉన్నాయన్నట్టు ప్రజలను మోసం చేస్తున్నారన్నారు.
కేసీఆర్ ఓ దుర్మార్గుడు
రాష్ట్రంలో 20 లక్షల కుటుంబాలు ఇండ్లులేక అవస్థలు పడుతుండగా వీరిని సీఎం మోసగిస్తున్నారని మురళి విమర్శించారు. 2016లో వీళ్లందరి నుంచి అప్లికేషన్లు తీసుకున్న కేసీఆర్ రెండు లక్షల ఇండ్ల నిర్మాణానికి అనుమతులిచ్చి లక్ష ఇండ్లు మాత్రమే నిర్మించారన్నారు. 30 వేల కుటుంబాలకు కేటాయించి ఒక్కరికీ ఇళ్లు అప్పగించని దుర్మార్గుడు కేసీఆర్అని అన్నారు. నిరుద్యోగుల ఓట్లు పడవని నోటిఫికేషన్లతో అక్రమాలకు పాల్పడుతున్నారన్నారు. రైతుబంధు పేరుతో ఇప్పటిదాకా రూ.28 వేల కోట్లను రైతులుకాని వారికి పంపిణీ చేశారని, అది ఎవడబ్బ సొమ్మని ప్రశ్నించారు.
ఇన్కమ్ట్యాక్స్ కడుతున్న ధనవంతులకు రైతుబంధు ఎందుకన్నారు. 20 లక్షల మంది కౌలు రైతులు ఇన్సూరెన్స్, లోన్, సబ్సిడీ లేకుండా వ్యవసాయం చేస్తున్నా కేసీఆర్కు కనబడడంలేదని మండిపడ్డారు. బీజేపీ, బీఆర్ఎస్ పార్టీల మధ్య లోపాయికారి ఒప్పందం ఉందని లిక్కర్ స్కామ్లో కవిత అరెస్టు కాకపోవడానికి కారణం అదేన్నారు.
కామారెడ్డిలో కేసీఆర్ను ఓడించాలె..
కేసీఆర్ను కామారెడ్డిలో ఓడిస్తే రాష్ట్రంలో ఉమ్మడి జిల్లా ప్రజలకు గుర్తింపు వస్తుందని జస్టిస్ చంద్రకుమార్ అన్నారు. తెలంగాణ ప్రజల ఆశలు, ఆకాంక్షలను నాశనం చేసే పాలన నడుస్తోందన్నారు. మతం పేరుతో బీజేపీ సమాజంలో విద్వేషాలు రెచ్చగొడుతోందన్నారు. బీఆర్ఎస్, బీజేపీలకు సమానదూరం పాటించాలన్నారు. వక్తలు జాహెద్ ఖాద్రీ, లక్ష్మీనారాయణ, ఖాలెదాపర్వీన్, పృథ్వీ, వినాయక్రెడ్డి, పద్మజాషా, కృష్ణ, ప్రభాకర్, అబ్దుల్ అజీజ్, స్కైబాబా ఉన్నారు.
