అలంపూర్, వెలుగు: రైతులకు అండగా ఉంటామని గ్రంథాలయ చైర్మన్ నీలి శ్రీనివాసులు తెలిపారు. అలంపూర్ చౌరస్తాలోని వ్యవసాయ మార్కెట్ యార్డులో బుధవారం మార్క్ ఫెడ్ ఆధ్వర్యంలో ఏర్పాటు చేసిన కందుల కొనుగోలు కేంద్రాన్ని ఏఎంసీ చైర్మన్ దొడ్డన్న, వైస్ చైర్మన్ పచ్చర్ల కుమార్తో కలిసి ప్రారంభించారు.
ఈ సందర్భంగా ఆయన మాట్లాడుతూ ప్రభుత్వం రైతులను ఆదుకొనేందుకు మద్దతు ధర ప్రకటించి కొనుగోలు కేంద్రాలను ఏర్పాటు చేస్తుందన్నారు. రాష్ట్ర ప్రభుత్వం కందులకు క్వింటాకు రూ.7,550 మద్దతు ధర ప్రకటించిందని తెలిపారు. కొనుగోలు కేంద్రాన్ని రైతులు సద్వినియోగం చేసుకోవాలని కోరారు. మార్క్ఫెడ్ డీఎం నాగేశ్, మార్కెట్ సెక్రటరీ ఎల్ల స్వామి, డైరెక్టర్లు కృష్ణయ్య, సులోచనమ్మ, రుక్మానంద రెడ్డి, శ్రీకాంత్, నాగరాజు, మస్తాన్ పాల్గొన్నారు.
