వాట్సాప్.. ఎప్పటికప్పుడు కొత్త అప్డేట్లు తీసుకొస్తూ ఉంటుంది. యూజర్లకు అనుకూలంగా, ఉపయోగపడేలా ఉండేందుకు ఇప్పటికే చాలా ఫీచర్లు అందుబాటులోకి తెచ్చింది. ఈమధ్యే వాట్సాప్ స్టేటస్లో మ్యూజిక్ ఆప్షన్ను కూడా యాడ్ చేసింది. ఇంతలోనే స్టేటస్కు సంబంధించి మరికొన్ని అప్డేట్స్ తీసుకొచ్చింది వాట్సాప్.
లొకేషన్ షేరింగ్
వాట్సాప్లో లొకేషన్ షేరింగ్ గురించి తెలిసిందే. అయితే ఇప్పుడు వాట్సాప్ స్టేటస్లోనూ లొకేషన్ షేర్ చేసుకునే వీలు కల్పిస్తోంది కంపెనీ. అందుకోసం ఏం చేయాలంటే.. వాట్సాప్ ఓపెన్ చేసి అప్డేట్ ట్యాబ్కు వెళ్లాలి. యాప్ కెమెరాతో ఫొటో క్యాప్చర్ చేయాలి. అందుకోసం గ్యాలరీలోని ఫొటో లేదా వీడియో కూడా యాడ్ చేయొచ్చు. తర్వాత స్క్రీన్ పైభాగంలో ఉన్న స్టిక్కర్ (sticker) ఐకాన్ మీద ట్యాప్ చేయాలి. దాంతో క్లాక్ (clock) ఐకాన్ పక్కన లొకేషన్ స్టిక్కర్ కనిపిస్తుంది. దానిపై ట్యాప్ చేసి, స్టేటస్లో లొకేషన్ సెర్చ్ చేయాలి. లొకేషన్ ఎంచుకున్నాక ట్యాగ్ చేయాలి. అంతేకాదు.. లైవ్ లొకేషన్ను షేర్ చేసేందుకు కూడా ఎంచుకోవచ్చు.
ఇన్స్టా రీల్స్
వాట్సాప్లో ఇన్స్టా రీల్స్ క్రియేటర్ల కోసం కొత్త అప్డేట్ వచ్చింది. ఇది ఇన్స్టా రీల్స్ చేసేవాళ్లకు బాగా ఉపయోగపడుతుంది. వాళ్లు చేసే రీల్స్ ఎక్కువ మందికి షేర్ అయ్యే చాన్స్ ఉంటుంది. మామూలుగానే చాలామంది వాళ్లకు నచ్చిన రీల్ని ఇతరులతో పంచుకోవాలి అనుకుంటుంటారు. అందులో భాగంగా ఇన్స్టాగ్రామ్ రీల్ని వాట్సాప్ స్టేటస్లో కూడా షేర్ చేస్తుంటారు. అయితే అది ఓపెన్ చేసిన వెంటనే రీల్ ప్లే అవ్వదు.
లింక్ మీద క్లిక్ చేస్తే అది ఇన్స్టా ఇంటర్ఫేస్కు రీడైరెక్ట్ అవుతుంది. అక్కడ దాన్ని ప్లే చేస్తే రీల్ చూసే వీలుంటుంది. కానీ ఇప్పుడు అలా కాకుండా.. వాట్సాప్ స్టేటస్ ఓపెన్ చేయగానే ఇన్స్టా రీల్ ఆడియోతోపాటు ప్లే అవుతుంది. అదెలాగంటే.. ముందుగా ఇన్స్టాగ్రామ్ ఓపెన్ చేసి రీల్ ఎంచుకోవాలి. ఆ రీల్ కిందున్న షేర్ ఐకాన్ మీద ట్యాప్ చేస్తే.. వాట్సాప్ సింబల్ కనిపిస్తుంది. దాన్నుంచి వాట్సాప్ స్టేటస్ ఆప్షన్కి వెళ్లాలి. అంతే.. రీల్ డైరెక్ట్గా వాట్సాప్ స్టేటస్లో చేరిపోతుంది. చూసేవాళ్లకు రీల్తోపాటు ఆడియో కూడా వినిపిస్తుంది.
ఆటో డౌన్లోడ్కు చెక్!
వాట్సాప్లో వచ్చే గుడ్ మార్నింగ్ మెసేజ్ల నుంచి ఫొటోలు, ఫైల్స్, జిఫ్లు, స్టిక్కర్స్ వంటివి ఒక్కరోజులో బోలెడు వస్తుంటాయి. ముఖ్యంగా ఫొటోలు, వీడియోలు ఆటో డౌన్లోడ్ అవుతుంటాయి. వాటివల్ల స్టోరేజీ నిండిపోయి ఫోన్ పనితీరు నెమ్మదిస్తుంది. చాలామంది అవసరంలేని వాటిని వెంటనే డిలీట్ చేస్తుంటారు. కానీ, ప్రతిసారీ గ్యాలరీకి వెళ్లి వాటిని తీసేయాలంటే విసుగొస్తుంది. కాబట్టి ఈ ఆటో డౌన్లోడ్ సమస్యకు చెక్ పెట్టడం బెస్ట్ సొల్యూషన్.
అందుకోసం ఏం చేయాలంటే.. వాట్సాప్లో సెట్టింగ్స్కి వెళ్లి చాట్స్ ఆప్షన్ ఎంచుకోవాలి. అందులో మీడియా విజిబిలిటీ ఆప్షన్ను టర్న్ ఆఫ్ చేస్తే సరి. అదే గ్రూప్ల్లో అయితే చాట్లో వ్యక్తిగత లేదా గ్రూప్ చాట్పై ట్యాప్ చేయాలి. అందులో మీడియా విజిబిలిటీ ఆప్షన్లో ‘నో’ మీద ట్యాప్ చేసి ‘ఓకే’ చేయాలి. ఐఫోన్లో అయితే చాట్స్ ఆప్షన్లో ఫొటోలకు సేవింగ్ డౌన్లోడ్ ఆఫ్ చేయాలి. గ్రూప్లో అయితే ఫొటో ‘సేవ్’ ఆప్షన్లో ‘నెవర్’ అని ఎంచుకోవాలి.
