మంచిర్యాల, వెలుగు: కొవిడ్ కొత్త వేరియంట్ జేఎన్1 కేసులు రాష్ట్రంలో పెరుగుతున్న నేపథ్యంలో మంచిర్యాల జిల్లా వైద్యారోగ్యశాఖ అలర్ట్అయ్యింది. జిల్లాలో వైరస్వ్యాప్తి చెందకుండా ముందు జాగ్రత్త చర్యలు ప్రారంభించింది. జిల్లాలోని అన్ని ప్రైమరీ హెల్త్సెంటర్లలో ఆర్టీపీసీఆర్ కిట్లను సిద్ధంగా ఉంచుకోవడంతో పాటు రోజువారీగా టెస్టుల సంఖ్యను పెంచాలని డీఎంహెచ్వో సుబ్బరాయుడు బుధవారం ఆదేశాలు జారీ చేశారు.
సంక్రాంతి పండుగ సీజన్ను దృష్టిలో ఉంచుకొని ప్రజలు తగిన జాగ్రత్తలు తీసుకోవాలని, బయటకు వెళ్లినప్పుడు తప్పనిసరిగా మాస్కులు పెట్టుకోవాలని సూచించారు. కొవిడ్ కొత్త వేరియంట్ పట్ల తీసుకోవాల్సిన జాగ్రత్తలపై డీఎంహెచ్వో పోస్టర్లను రిలీజ్ చేశారు. ఈ కార్యక్రమంలో కొవిడ్ నోడల్ఆఫీసర్ ఫయాజ్, జిల్లా మాస్ మీడియా ఆఫీసర్బుక్క వెంకటేశ్వర్లు తదితరులు పాల్గొన్నారు.
1461 బెడ్లు రెడీ..
జిల్లాలోని పీహెచ్సీలు, సీహెచ్సీలు, అన్ని గవర్నమెంట్ హాస్పిటళ్లతో పాటు 17 ప్రైవేట్హాస్పిటళ్లలో 1461 బెడ్లను అధికారులు రెడీ చేశారు. ఐసీయూ 246, ఆక్సిజన్ సపోర్టెడ్502, ఐసోలేషన్ బెడ్లు 372 అందుబాటులో ఉన్నాయి. జిల్లాలో 7438 పీపీఈ కిట్లు, 20,715 ఎన్95 మాస్కులు, 304 ఆక్సీమీటర్లు, 108 నెబులైజర్లు, 249 ఆక్సిజన్ సిలిండర్లు సిద్ధంగా ఉన్నాయి.
