యాదాద్రి, వెలుగు : ఏ ఒక్క గ్రామం కూడా ముంపునకు గురికాకుండా గంధమల్ల రిజర్వాయర్ నిర్మిస్తామని ప్రభుత్వ విప్, ఆలేరు ఎమ్మెల్యే బీర్ల ఐలయ్య అన్నారు. గురువారం ఆలేరులో నిర్వహించిన రివ్యూ మీటింగ్లో ఆయన మాట్లాడారు. 1.41 టీఎంసీల సామర్థ్యంతో నిర్మించే గంధమల్ల కోసం భూసేకరణ వేగంగా నిర్వహించాలని, ఆ వెంటనే రిజర్వాయర్నిర్మాణ పనులు చేపట్టాలని అధికారులకు సూచించారు.
గంధమల్ల ద్వారా దాదాపు వంద చెరువుల్లో నీరు నింపడానికి చర్యలు తీసుకున్న ఇరిగేషన్ ఆఫీసర్లను ఆయన అభినందించారు. మీటింగ్లో కలెక్టర్ హనుమంతరావు, అడిషనల్ కలెక్టర్వీరారెడ్డి, ఆర్డీవో కృష్ణారెడ్డి, ఇరిగేషన్ ఎస్ఈ శ్రీనివాస్తదితరులు పాల్గొన్నారు.
