బాలీవుడ్ ప్రముఖ హీరోయిన్ అలియా భట్ మెయిన్ లీడ్ పాత్రలో నటించిన జిగ్ర సినిమా అక్టోబర్ 11న గ్రాండ్ గా రిలీజ్ అయ్యింది. అయితే ఈ సినిమాని హిందీ ప్రముఖ డైరెక్టర్ వాసన్ బాల యాక్షన్ థ్రిల్లర్ బ్యాక్ డ్రాప్ లో తెరకెక్కించాడు. కాగా ఈ సినిమాని హిందీతోపాటూ తెలుగులో కూడా రిలీజ్ చేశారు. ఈ క్రమంలో తెలుగు ప్రీ రిలీజ్ ఈవెంట్ కి టాలీవుడ్ ప్రముఖ హీరోయిన్ సమంత, డైరెక్టర్ త్రివిక్రమ్ తదితరులు హాజరయ్యి ప్రమోట్ చేశారు.
అయితే ఈ సినిమా ని దాదాపుగా రూ. 90 కోట్లు బడ్జెట్ తో తీశారు. అయితే ట్రైలర్ తో ఆకట్టుకన్న జిగ్ర థియేటర్లలో మాత్రం ప్రేక్షకులను అలరించలేకపోయింది. దీంతో రిలీజ్ డే నుంచి మిక్స్డ్ టాక్ రావడంతో ఈ ప్రభావం కలెక్షన్లపై పడింది. దీంతో బాలీవుడ్ సినీ వర్గాల సమాచారం ప్రకారం ఇప్పటివరకూ రూ.52 కోట్లు (గ్రాస్) కలెక్ట్ చేసినట్లు సమాచారం. అలాగే రోజురోజుకీ కలెక్షన్లు తగ్గిపోతున్నాయి.
దీంతో జిగ్ర సినిమా డిజాస్టర్ గా నిలిచింది. అయితే ఈ సినిమా ఓటీటీ హక్కులను నెట్‌ఫ్లిక్స్ సంస్థ కొనుగోలు చేసింది. దీంతో నవంబర్ లేదా డిశెంబర్ నెలల్ జిగ్ర సినిమా ఓటీటీలో రిలీజ్ అయ్యే అవకాశాలు ఉన్నాయి.
