డిచ్పల్లి, వెలుగు: అర్హులందరికీ ప్రభుత్వ పథకాలు అందాలన్న ఉద్ధేశంతో కేంద్ర ప్రభుత్వం వికసిత్ భారత్సంకల్ప్యాత్ర కార్యక్రమాన్ని ప్రారంభించినట్లు సెంట్రల్ జాయింట్సెక్రెటరీ, జిల్లా నోడల్ ఆఫీసర్ అశ్విని శ్రీవాత్సవ్ చెప్పారు.ఆదివారం మండలంలోని మెంట్రాజ్పల్లి లో నిర్వహించిన వికసిత్ భారత్ కార్యక్రమంలో ఆయన పాల్గొన్నారు.
ఈ సందర్భంగా శ్రీవాత్సవ్ మాట్లాడుతూ కేంద్ర ప్రభుత్వం పేదల కోసం అనేక సంక్షేమ పథకాలను ప్రవేశపెట్టిందన్నారు. అందులో శానిటేషన్, ఆర్థిక సాయం, ఎల్పీజీ కనెక్షన్లు, ఇండ్లు, ఆహార భద్రత, విద్య, వైద్యం లాంటి అనేక స్కీములు ఉన్నాయని చెప్పారు. అడిషనల్కలెక్టర్ చిత్రా మిశ్రా, డీపీవో జయసుధ, ఎంపీపీ గద్దె భూమన్న, సర్పంచ్గోపాల నర్సయ్య తదితరులు పాల్గొన్నారు.
మోపాల్: మండలంలోని మోపాల్, కంజర్, కులాస్పూర్(టీ) తదితర గ్రామాల్లో ఆదివారం వికసిత్ భారత్ సంకల్ప్యాత్ర కార్యక్రమం నిర్వహించారు. కార్యక్రమానికి హాజరైన అధికారులు కేంద్ర ప్రభుత్వం అమలు చేస్తున్న పథకాలు, వాటి ప్రయోజనాలను ప్రజలకు వివరించారు. కేంద్ర పథకాల లబ్ధిపొందిన వారితో మాట్లాడించి, వారి అనుభవాలను ప్రజలకు వివరించారు. ఈ సందర్భంగా వికసిత్ భారత్క్యాలెండర్లను ఆవిష్కరించారు. ఎంపీడీవో లింగం, ఎంపీవో ఎక్బాల్, సర్పంచులు రవి, భరత్, శ్రవణ్ పాల్గొన్నారు.
