భద్రాద్రికొత్తగూడెం, వెలుగు: కొత్తగూడెంలోని గవర్నమెంట్ జనరల్ హాస్పిటల్లో సమస్యలు తాండవిస్తున్నాయి. హాస్పిటల్లో సౌకర్యాలు, రోగుల కష్టాల గురించి అధికారులు పట్టించుకోవడం లేదు. బ్లడ్ టెస్ట్ల కోసం ఆసుపత్రి బయటకు పొమ్మంటున్నారని రోగులు ఆరోపిస్తున్నారు. ఒకే టాయ్లెట్లోకి లేడీస్, జెంట్స్వెళ్లే దుస్థితి పెద్దాసుపత్రిలో నెలకొంది. మధ్యాహ్నం 12 గంటలు దాటితే ఓపీ చూడటం లేదు. హాస్పిటల్ పై కప్పు నుంచి వాటర్ లీకేజ్అవుతోంది. పై కప్పు నుంచి ఊకే పెచ్చులూడి కిందపడుతున్నాయి. దీంతో జిల్లా ఆసుపత్రిలో రోగులు మస్తు భయంగా గడపాల్సిన పరిస్థితి ఏర్పడింది.
బ్లడ్ టెస్ట్ లైతే బయటకు పోవుడే..
కొత్తగూడెంలోని సర్కార్ జనరల్ హాస్పిటల్లోని బ్లడ్ టెస్ట్లు చేసే మెషన్ మూడు రోజులుగా పనిచేస్తలేదు. అయినా ఎవరూ పట్టించుకుంట లేరు. ఎమర్జెన్సీ టైంలో చేసే సీరం ఎలక్ట్రోలైట్స్ బ్లడ్టెస్ట్ మెషిన్ కూడా పని చేస్తలేదు. హార్ట్, బ్రెయిన్, పెరాలసిస్ వంటి ప్రాబ్లమ్స్తో వచ్చే వారికి సీరం ఎలక్ట్రోలైట్ టెస్టులు అవసరం ఉంటుంది. సోడియం, పొటాషియం, క్లోరైడ్ తెలుసుకునే ముఖ్యమైన టెస్ట్లు మూడు రోజులుగా దవాఖానాలో బంద్ అయ్యాయి. దీంతో రోగులు ప్రైవేట్ ల్యాబ్ లకు వెళ్లాల్సి వస్తోంది. బ్లడ్ టెస్ట్లు చేసే మిషన్ కనీసం పనిచేయడం లేదనే విషయం ఉన్నతాధికారులకు సమాచారం లేదు. హాస్పిటల్లోనే టీ హబ్ ఉన్నప్పటికీ బ్లడ్ టెస్ట్ల కోసం అక్కడికి పంపించకపోవడం దారుణం. మరోవైపు ఉదయం 9.30 గంటలకు రోగులకు డాక్టర్లు అందుబాటులో ఉండాలి. కొంతమంది డాక్టర్లు పది దాటినా రావడం లేదు. మధ్యాహ్నం 12 నుంచి 12.30 గంటలు దాటితే ఓపీ బంద్ చేస్తున్నారు. గ్రౌండ్ ఫ్లోర్లోని ఎక్స్రే ల్యాబ్ సమీపంలో పై కప్పు నుంచి వాటర్ లీకేజ్ అవుతోంది.ఒకే టాయ్లెట్లోకి మహిళలు, పురుషులు వెళ్లే దారుణమైన పరిస్థితి ఉంది. మహిళల టాయ్లెట్స్ విడిగా ఉన్నా వాటిని ఓపెన్ చేస్తలేరు. దీంతో మహిళలు ఇబ్బందులు పడుతున్నారు. డాక్టర్లు సాయంత్రం ఓపీలో ఉండే విధంగా ఉన్నతాధికారులు చర్యలు తీసుకోవాలని ప్రజలు కోరుతున్నారు.
బయటకు పంపిస్తలె..
బ్లడ్ టెస్ట్ల కోసం రోగులను బయటకు పంపిస్తలేరు. మూడు రోజలుగా సీరం ఎలక్ట్రోలైట్ టెస్ట్లు జరగడం లేదనే విషయం నా దృష్టికి రాలేదు. డాక్టర్లు ఓపీలో ఒక్క పూటే ఉంటారు. అత్యవసరమైతే రోగులు ఎమర్జెన్సీ వార్డుకు వెళ్లి ట్రీట్మెంట్ తీసుకోవచ్చు. అక్కడ డాక్టర్లు 24 గంటలు అందుబాటులో ఉంటారు.
– కుమారస్వామి, హాస్పిటల్ మెడికల్ సూపరింటెండెంట్, కొత్తగూడెం
