- అసెంబ్లీ ఎన్నికల్లో టాక్
- ఆఫ్ది సెగ్మెంట్గా కామారెడ్డి
కామారెడ్డి, వెలుగు: ఈసారి అసెంబ్లీ ఎన్నికల్లో కనీ, విని ఎరగని వింత చోటుచేసుకుంది. కామారెడ్డి నియోజకవర్గంలో ప్రధాన పార్టీల నుంచి తలపడిన ముగ్గురు అభ్యర్థులు అసెంబ్లీలో అడుగుపెడుతుండడమే ఆ విశేషం. ఇటీవల జరిగిన అసెంబ్లీ ఎన్నికల్లో బీఆర్ఎస్ నుంచి మాజీ సీఎం కే చంద్రశేఖర్ రావు, కాంగ్రెస్ నుంచి కాబోయే సీఎం రేవంత్రెడ్డి పోటీ చేయగా, బీజేపీ నుంచి వెంకటరమణారెడ్డి బరిలో నిలిచారు. కాగా, త్రిముఖ పోరులో స్థానికుడైన వెంకటరమణారెడ్డి కామారెడ్డి ఎమ్మెల్యేగా విజయం సాధించిన సంగతి తెలిసిందే.
అయితే, కామారెడ్డితో పాటు రేవంత్రెడ్డి కొడంగల్లో, కేసీఆర్ గజ్వేల్లో పోటీచేసి గెలవడంతో ఆ ఇద్దరూ ఎమ్మెల్యేలుగా అసెంబ్లీలో అడుగుపెట్టనున్నారు. ఈ క్రమంలో కామారెడ్డి కాస్తా టాక్ ఆఫ్ ది సెగ్మెంట్గా మారింది. సీఎం, కాబోయే సీఎం ఇద్దరినీ ఓడించిన వెంకటరమణారెడ్డి పేరు జాతీయ స్థాయిలో మారుమోగుతోంది. మూడు రోజులుగా వెంకటరమణా రెడ్డికి దేశం నలుమూలల నుంచి అభినందనలు వెల్లువెత్తుతున్నాయి.
