హైదరాబాద్, వెలుగు: కోనో కార్పస్ మొక్కలు పర్యావరణానికి హానికరమంటూ వస్తున్న వార్తల్లో ఎలాంటి నిజం లేదని, సోషల్మీడియాలో జరుగుతున్న తప్పుడు ప్రచారంతో ఈ మొక్కలను నరికివేయడం ఆపాలని జన చైతన్య వేదిక అధ్యక్షుడు వల్లంరెడ్డి లక్ష్మణ్రెడ్డి ఒక ప్రకటనలో కోరారు. కోనో కార్పస్ మొక్కలు అన్ని చెట్ల లాగే కార్బన్ డై ఆక్సైడ్ ను పీల్చుకొని ఆక్సిజన్ ను ఇస్తాయని తెలిపారు.
ఈ మొక్కలపై జనంలో ఉన్న దురభిప్రాయాలను తొలగించి, శాస్త్రీయ అవగాహన కల్పించడానికి, మంగళవారం ఉదయం 11 గంటలకు హైదరాబాద్లోని సోమాజిగూడ ప్రెస్ క్లబ్ లో ప్రముఖ సైంటిస్టులతో మీడియా సమావేశం ఏర్పాటుచేశామని చెప్పారు. తెలుగు రాష్ట్రాల్లో కోనో కార్పస్ మొక్కలపై నాలుగేండ్లుగా సోషల్ మీడియాలో విష ప్రచారం జరుగుతోందన్నారు.
