Bachhala Malli Movie Teaser: టాలీవుడ్ ప్రముఖ హీరో అల్లరి నరేష్ ప్రస్తుతం బచ్చలమల్లి అనే సినిమలో హీరోగా నటిస్తున్నాడు. ఈ సినిమాకి సాయి దుర్గ తేజ్ తో సోలో బ్రతుకే సో బెటర్ సినిమాతో హిట్ అందుకున్న తెలుగు డైరెక్టర్ సుబ్బు దర్శకత్వం వహిస్తున్నాడు. మలయాళ బ్యూటిఫుల్ హీరోయిన్ అమృతా అయ్యర్ హీరోయిన్ గా నటిస్తోంది.
హాస్య మూవీస్ బ్యానర్ పై రాజేష్ దండ నిర్మిస్తుండగా విశాల్ చంద్ర శేఖర్ సంగీతం అందిస్తున్నాడు. రావు రమేష్, రోషిని, అంకిత్ కొయ్య, హరితేజ, వైవా హర్ష తదితరులు ప్రధాన తారాగణంగా నటిస్తున్నారు. ఈరోజు ఈసినిమా టీజర్ రిలీజ్ అయ్యింది. ఇప్పుడు ఈ తేజ్జర్ విశేషాలేంటో చూద్దాం..
ముందుగా కావేరీ నేను నీతో కొంచెం మాట్లాడాలి అంటూ అల్లరి నరేష్ హీరోయిన్ తో చెప్పే డైలాగ్ తో టీజర్ స్టార్ట్ అవుతుంది. అయితే ఇందులో అల్ల్లరి నరేష్ మందు, సిగరెట్ తోపాటు ఇంకా చాలా అలవాట్లు ఉన్నాయంటూ చెబుతూ హీరోయిన్ కి ప్రపోజ్ చేస్తాడు. ఆ తర్వాత కానిస్టేబుల్ గా పని చేస్తున్న రావు రమేష్ తో గొడవలు, మదర్ సెంటిమెట్ సీన్స్, యాక్షన్ ఫైట్స్ టీజర్ పై ఆసక్తి పెంచాయి.
ఇక బచ్చలమల్లి ఎవరి మాట వినను.. నాకు నచ్చినట్లు బ్రతుకుతా అంటూ చెప్పే డైలాగులు టీజర్ కి హైలెట్ గా నిలిచాయి. అలాగే ఈ సినిమాలో అల్లరి నరేష్ గెటప్ కూడా రెబల్ గా ఉంది. దీంతో గతంలో సాఫ్ట్ గా, కామెడీ పాత్రలు చేసి అలరించిన హీరో అల్లరి నరేష్ ఈ మధ్య గేర్ చేంజ్ చేసి సీరియస్ పాత్రలపై దృష్టి సారించినట్లు తెలుస్తోంది. అలాగే లవ్ & మదర్ సెంటిమెంట్ బ్యాక్ డ్రాప్ తో కట్ చేసిన బచ్చలమల్లి టీజర్ ఇంట్రెస్టింగ్ గా ఉంది.
ఈ విషయం ఇలా ఉండగా ఈ సినిమా డిసెంబర్ 20న వరల్డ్ వైడ్ రిలీజ్ కానుంది. టీజర్ తో అలరించిన బచ్చలమల్లి థియేటర్ లో ఎలాఅ ఆకట్టుకుంటాడో చూడాలి.
