టాలీవుడ్ ప్రముఖ హీరో అల్లు అర్జున్ నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ షోకి గెస్ట్ గా వచ్చి సందడి చేశాడు. అయితే గతవారం ఈ ఎపిసోడ్ మొదటి పార్ట్ రిలీజ్ చేయగా మంచి రెస్పాన్స్ వచ్చింది. దీంతో ఇటీవలే షో నిర్వాహకులు అల్లు అర్జున్ ఎపిసోడ్ 2వ పార్ట్ ప్రోమోని రిలీజ్ చేశారు.
ఈ ఎపిసోడ్ లో అల్లు అయాన్, అర్హ ఇద్దరూ కలసి సందడి చేశారు. ఇందులో ముఖ్యంగా అర్హ "అటజనికాంచె తెలుగు పద్యాన్ని" అవలీలగా చెప్పడంతో బాలయ్య ఫిధా అయ్యాడు. ఇక అయాన్ గురించి అల్లు అర్జున్ మాట్లాడతూ "యానిమల్ సినిమాలో రణబీర్ కపూర్ లాంటివాడని, తండ్రి కోసం ఏమైనా చేస్తాడని చెప్పుకొచ్చాడు.
ALSO READ : Pawan Kalyan: పుష్ప 2 సినిమా టికెట్ రేట్ల విషయంలో పవన్ కళ్యాణ్ అలా అన్నాడా..?
వీరిద్దరి ముచ్చట్ల తర్వాత బాలకృష్ణ మ్యూజిక్ డైరెక్టర్ దేవిశ్రీ ప్రసాద్ కి ఫోన్ చేశాడు. ఈ క్రమంలో బాలకృష్ణ సీక్రెట్ బయట పెట్టాలని అడగ్గా వెంటనే అల్లు అర్జున్ వద్దు చెప్పకూ అంటూ సస్పెన్స్ క్రియేట్ చేశాడు. ఇక పుష్ప 2 గురించి మాట్లాడుతూ పుష్ప 1 తో జాతర చూపించాము, పుష్ప 2 మాస్ జాతర చూపించబోతున్నామని తెలిపాడు. దీంతో ఈ ఎపిసోడ్ కూడా మంచి ఇంట్రెస్టింగ్ గా ఉండబోతున్నట్లు తెలుస్తోంది.
ఈ విషయం ఇలా ఉండగా అల్లు అర్జున్ హీరోగా నటించిన పుష్ప 2 : ది రూల్ సినిమా డిసెంబర్ 05న రిలీజ్ కాబోతోంది. ఇటీవలే చిత్ర యూనిట్ బీహార్ రాష్ట్రంలోని పాట్నా లో గ్రాండ్ గా ఈవెంట్ నిర్వహించి ట్రైలర్ రిలీజ్ చేశారు. ఈ ట్రైలర్ లాంచ్ ఈవెంట్ కి దాదాపుగా 25000 మందికి పైగా అభిమానులు వచ్చారు.
