టాలీవుడ్ ప్రముఖ స్టార్ హీరో స్టైలీష్ స్టార్ అల్లు అర్జున్ ఈ మధ్య కాలంలో విభిన్న కథనాలు ఎంచుకుంటూ ప్రేక్షకులను అలరిస్తాన్నాడు. ఆమధ్య అల్లు అర్జున్ హీరోగా నటించిన పుష్ప చిత్రం మంచి హిట్ అయ్యింది. దీంతో పుష్ప 2 చిత్రంపై భారీ అంచనాలు నెలకొన్నాయి.
పుష్ప 2 చిత్రం ఈ ఏడాది ఆగస్టు 15న విడుదల కావాల్సి ఉంది. కానీ పలు అనివార్య కారణాలవల్ల విడుదల ఆగిపోయింది. దీంతో ఈ ఏడాది డిసెంబర్ 06న పుష్ప 2 చిత్రాన్ని విడుదల చేస్తున్నట్లు చిత్ర యూనిట్ ప్రకటించారు.
ప్రస్తుతం అల్లు అర్జున్ తన తదుపరి ప్రాజెక్ట్ పై దృష్టి సారించాడు. ఈ క్రమంలో కోలీవుడ్ ప్రముఖ డైరెక్టర్ అట్లీ కుమార్ డైరెక్ట్ చెయ్యబోతున్న ప్యాన్ ఇండియా చిత్రంలో నటించాల్సి ఉంది. కానీ అనుకోని కారణాలవల్ల ఈ ప్రాజెక్ట్ ఆగిపోయిందని టాలీవుడ్ సినీ వర్గాలు చర్చించుకుంటున్నాయి.
దీంతో టాలీవుడ్ ప్రముఖ డైరెక్టర్ త్రివిక్రమ్ తో కలసి పని చేసేందుకు అల్లు అర్జున్ ఎక్కువగా మొగ్గు చూపుతున్నట్లు సమాచారం. ఇందులో భాగంగా ఇప్పటికే త్రివిక్రమ్ అల్లు అర్జున్ కోసం యాక్షన్ మరియు ఫ్యామిలీ ఓరియెంటెడ్ తరహాలో తెరకెక్కించేందుకు స్క్రిప్ట్ రెడీ చేసి పట్టాలెక్కించేందుకు సన్నాహాలు చేస్తున్నట్లు తెలుస్తోంది.
కాగా గతంలో త్రివిక్రమ్ మరియు అల్లు అర్జున్ కాంబినేషన్ లో వచ్చిన స% సత్యమూర్తి, అల వైకుంఠపురంలో చిత్రాలు ప్రేక్షుకులను బాగానే అలరించాయి. మరి 4వ సారి ఈ కాంబినేషన్ వర్కౌట్ అవుతుందో లేదో చూడాలి.
