ప్రపంచంలో ప్రతి ఇండియన్‌, ప్రతి భాష వాళ్లు, ప్రతి రాష్ట్రంలోని వాళ్లు అందరూ కలిసి ‘పుష్ప-2’ విడుదలను సెలబ్రేట్‌ చేయడం ఎంతో ఆనందంగా ఉంది అని అల్లు అర్జున్ అన్నాడు. సుకుమార్ దర్శకత్వంలో మైత్రీ మూవీ మేకర్స్ నిర్మించిన ఈ చిత్రం డిసెంబర్ 5న వరల్డ్‌‌వైడ్‌‌గా విడుదలవుతోంది. ఈ సందర్భంగా ఒక్కో స్టేట్‌‌లో ఒక్కో ఈవెంట్‌‌ను నిర్వహిస్తున్న టీమ్.. శుక్రవారం ముంబైలో గ్రాండ్ ప్రెస్‌‌మీట్ నిర్వహించారు. ఈ సందర్భంగా అల్లు అర్జున్ మాట్లాడుతూ ‘ఈ సినిమా ఇంత డబ్బు వస్తుంది.. ఇంత పేరు వస్తుందని లెక్కలు వేసుకొని చేయలేదు.
ప్రేక్షకులకు ఓ బెస్ట్ సినిమా ఇవ్వాలి. వాళ్లకు గొప్ప ఎక్స్‌‌పీరియెన్స్‌ సినిమా ఇవ్వాలని వర్క్‌ చేశాం. ఐదు సంవత్సరాలు మా లైఫ్‌‌లో బెస్ట్ ప్రొడక్ట్‌ ఇవ్వడానికి ట్రై చేస్తున్నాం. బెస్ట్ సినిమా ఇస్తున్నాం. గత నాలుగు సంవత్సరాలుగా రష్మికతో కలిసి పనిచేశాను. ఆమెతో వర్కింగ్‌ ఎక్స్‌‌పీరియెన్స ఎంతో ఎనర్జీ వస్తుంది. ఈ రోజు నేను హీరోగా ఇలా ఉన్నానంటే సుకుమారే కారణం.
ఆయనే నన్ను స్టార్‌‌‌‌ను చేశారు’ అని చెప్పాడు. ఈ ఐదేళ్ల ప్రయాణంలో ఎన్నో ఎమోషన్స్ ఉన్నాయని హీరోయిన్ రష్మిక చెప్పింది. ఇండియా మొత్తం ఎక్కడికి వెళ్లినా గొప్ప ఆదరణ లభిస్తోందని, 12 వేలకు పైగా స్క్రీన్స్‌‌లో సినిమాను విడుదల చేస్తున్నామని నిర్మాతలు అన్నారు.
