ఐకాన్ స్టార్ అల్లు అర్జున్ ప్రముఖ హీరో నందమూరి బాలకృష్ణ హోస్ట్ చేస్తున్న అన్ స్టాపబుల్ షోకి గెస్ట్ గా వచ్చి సందడి చేశాడు. దీంతో బాలకృష్ణ అల్లు అర్జున్ ని ఆటపట్టిస్తూ, అల్లరి చేస్తూ ఆడియన్స్ ని బాగానే ఎంటర్టైన్ చేశారు. అయితే గతంలో అల్లు అర్జున్ గోవాలో వైన్ షాప్ లో మద్యం కొంటున్న వీడియో వైరల్ అవుతున్న విషయంపై అన్ స్టాపబుల్ షోలో స్పందించాడు.
ఈ వీడియోలో ఉన్నది తానేనని స్పష్టం చేశాడు. తానూ షూటింగ్ కోసం గోవా కి వెళ్లానని ఆ సమయంలో మద్యం కొనడానికి దగ్గర్లోని వైన్ షాప్ కి వెళ్లినట్లు తెలిపాడు. కానీ ఆ మద్యం బాటిల్ కొన్నది తనకోసం కాదని, ఇది చాలా సంథింగ్ స్పెషల్ అని, తన లైఫ్ లో మర్చిపోలేనని అన్నాడు. కానీ వైన్ బాటిల్ ఎవరికోసం కొన్నాడనే విషయం చెప్పకుండా సస్పెన్స్ క్రియేట్ చేశాడు.
Also Read :- ప్రొడ్యూసర్, డిస్ట్రిబ్యూటర్ల మధ్య లొల్లి..
ఈ విషయం ఇలా ఉండగా ప్రస్తుతం అల్లు అర్జున్ ప్రముఖ డైరెక్టర్ సుకుమార్ డైరెక్ట్ చేస్తున్న పుష్ప 2 :ది రూల్ సినిమాలో హీరోగా నటిస్తున్నాడు. ఈ సినిమాలో బన్నీ కి జోడీగా రష్మిక మందాన నటిస్తుండగా, విలన్ గా ఫహద్ ఫాజిల్ నటిస్తున్నాడు. సునీల్, అజయ్, అనసూయ, శ్రీతేజ్ తదితరులు ప్రధాన తారాగణంగా నటిస్తున్నారు. భారీ అంచానాల నడుమ డిసెంబర్ 5న ఈ సినిమా వరల్డ్ వైడ్ రిలీజ్ కాబోతోంది.
