టాలీవుడ్ ఐకాన్ స్టార్ అల్లు అర్జున్, ప్రముఖ డైరెక్టర్ సుకుమార్ కాంబినేషన్ లో తెరకెక్కిన పుష్ప2 : ది రూల్ సినిమా షూటింగ్ పూర్తి చేసుకుని రిలీజ్ కి సిద్ధంగా ఉంది. కాగా డిసెంబర్ 05న వరల్డ్ వైడ్ తెలుగుతోపాటూ తమిళ్, మలయాళం, హిందీ తదితర ఫ్యాన్ ఇండియా భాషలలో రిలీజ్ కాబోతోంది. కాగా ఇప్పటికే ఈ సినిమా రూ.1060 కోట్లు ప్రీ రిలీజ్ బిజినెస్ చేసింది. దీంతో పుష్ప2 పై భారీ అంచనాలు నెలకొన్నాయి.
అయితే తెలంగాణలో కాంగ్రెస్ ప్రభుతం అధికారంలోకి వచ్చిన తర్వాత సినీ సెలెబ్రెటీలు యాంటీ డ్రగ్స్ పై అవగాహన కలిగించేందుకు వీడియో చేసి ప్రభుత్వానికి అందించాల్సి ఉంటుంది. దీంతో ప్రస్తుతం అల్లు అర్జున్ యాంటీ డ్రగ్స్ విడియో చేసి ప్రభుత్వానికి అందించనున్నాడు. ఈ వీడియోలని సోషల్ మీడియాలో షేర్ చేసి మత్తు మందు వినియోగంపై అవేర్నెస్ కలిగిస్తారు. అయితే ఆమధ్య టాలీవుడ్ ప్రముఖ హీరో ఎన్టీఆర్ కూడా యాంటీ డ్రగ్స్ విషయంపై అవేర్నెస్ వీడియో చేసి సోషల్ మీడియాలో షేర్ చేశాడు.
ఈ విషయం ఇలా ఉండగా మంగళవారం పుష్ప 2 సినిమా షూటింగ్ పూర్తిచేసుకుంది. దీంతో అల్లు అర్జున్ 5 ఏళ్ళ పుష్ప సినిమా జర్నీ ముగిసిందంటూ ఎక్స్ లో ఎమోషనల్ గా ట్వీట్ చేశాడు. ఇక పుష్ప 2 సినిమా క్యాస్ట్ & క్రూ విషయానికొస్తే హీరోయిన్ గా కన్నడ బ్యూటిఫుల్ హీరోయిన్ రష్మిక మందాన నటిస్తుండగా యంగ్ హీరోయిన్ శ్రీలీల స్పెషల్ సాంగ్ లో నటిస్తోంది. మలయాళ నటుడు ఫహద్ ఫాజిల్, అజయ్, సునీల్, ధనుంజయ్(కన్నడ), అనసూయ తదితరులు ప్రధాన తారాగణంగా నటించారు. నవంబర్ 17న పుష్ప 2 ట్రైలర్ రిలీజ్ కాగా మంచి రెస్పాన్స్ వచ్చింది.
