Pushpa2ThRuleTrailer: ఐకాన్ స్టార్ అల్లు అర్జున్ హీరోగా నటిస్తున్న పుష్ప 2 : ది రూల్ సినిమా ట్రైలర్ కోసం అందరూ ఆసక్తిగా ఎదురుచూస్తున్నారు. దీంతో ఎపుడెప్పుడా అని ఎదురు చూస్తున్న పుష్ప 2 : ది రూల్ ట్రైలర్ ఈరోజు రిలీజ్ అయ్యింది. ఇప్పుడు ఈ ట్రైలర్ విశేషాలేంటో చూద్దాం..
ముందుగా భారీ డబ్బులతో కూడిన విజువల్స్ తో జగపతి బాబు చెప్పే "ఎవడ్రా వాడు.. డబ్బంటే లెక్కలేదు.. పవర్ అంటే భయం లేదు.. " అనే డైలాగ్ తో ట్రైలర్ స్టార్ట్ అవుతుంది. ఆ తర్వాత యాక్షన్ సన్నివేశాలతో పుష్ప రాజ్ అల్లు అర్జున్ ఎంట్రీ ఇస్తాడు. శ్రీవల్లీ నా పెళ్ళాం.. పెళ్ళాం మాట మొగుడు వింటే ఎట్లా ఉంటాడో చూపిస్తా అంటూ అల్లు అర్జున్ రష్మికతో చెప్పే డైలాగ్స్ హైప్ పెంచాయి.
భన్వర్ సింగ్ షెకావత్ పార్టీ ఉంది పుష్ప అంటూ ఫహాద్ ఫజిల్ ఎంట్రీ ఇచ్చాడు. ఈ సన్నివేశాల్లో పుష్పరాజ్ ని భన్వర్ సింగ్ షెకావత్ బాగానే టార్గెట్ చేసినట్లు తెలుస్తుంది. అయితే మధ్యమధ్యలో ఇతర దేశాలలో పోర్ట్ లలో జరిగే కొన్నిసన్నివేశాలు సస్పెన్స్ క్రియేట్ చేశాయి. చివర్లో పుష్ప అంటే ఫైర్ అనుకుంటివా.. కాదు.. వైల్డ్ ఫైర్ అంటూ చెప్పే డైలాగ్ తో ట్రైలర్ ముగుస్తుంది.
ALSO READ | Pushpa2: The Rule: దేశంలోనే మొదటిసారి.. 25 వేలమందితో పుష్ప 2 ట్రైలర్ లాంచ్ ఈవెంట్..
ఇందులో హీరోయిన్ రష్మిక కి పెద్దగా డైలాగులు లేకపోయినప్పటికే కనిపించిన కొన్ని సెకెన్లు బాగానే ఆకట్టుకుంది. ఇక డైరెక్టర్ సుకుమార్ టేకింగ్ సూపర్ గా ఉందని చెప్పవచ్చు. ముగ్గురు మ్యూజిక్ డైరెక్టర్లు దేవిశ్రీ ప్రసాద్, తమన్, అజినీష్ లోకనాథ్ లు బ్యాగ్రౌండ్ స్కోర్ అద్భుతంగా ఇచ్చారు. ఓవరాల్ గా చూస్తే సస్పెన్స్, యాక్షన్ థ్రిల్లర్ బ్యాక్ డ్రాప్ లో కట్ చేసిన ఈ ట్రైలర్ పుష్ప 2 సినిమాపై అంచనాలను పెంచేసింది.
ఈ విషయం ఇలా ఉండగా పుష్ప 2 : ది రైజ్ డిసెంబర్ 05 న ప్రపంచవ్యాప్తంగా గ్రాండ్ గా రిలీజ్ కాబోతోంది. అయితే ఈ సినిమా రిలీజ్ కి ముందే 1060 కోట్లు ప్రీరిలీజ్ బిజినెస్ చేసింది. అంతేగాకుండా వరల్డ్ వైడ్ దాదాపుగా 11500 థియేటర్స్ లో రిలీజ్ కానుంది. ఇందులో మనదేశంలోనే ప్యాన్ ఇండియా భాషలలో దాదాపుగా 6500 స్క్రీన్స్ లో రిలీజ్ కాబోతోంది. దీంతో పుష్ప 2 రిలీజ్ మొదటి రోజే రూ.300 కోట్లు కలెక్ట్ చేస్తుందని ట్రేడ్ వర్గాలు అంచనా వేస్తున్నాయి.
