టాలీవుడ్ ఐకాన్ స్టార్ అల్లు అర్జున్ పుష్ప 2 : ది రూల్ సినిమాలో హీరోగా నటిస్తున్న విషయం తెలిసిందే. ఈ సినిమాకి ప్రముఖ డైరెక్టర్ సుకుమార్ దర్శకత్వం వహిస్తుండగా దాదాపుగా రూ.300 కోట్ల బడ్జెట్ తో సినీ నిర్మాణ సంస్థ మైత్రీ మూవీ మేకర్స్ నిర్మిస్తోంది. ఈ సినిమాలో హీరోయిన్ గా నేషనల్ క్రష్ రష్మిక మందాన నటిస్తుండగా యంగ్ బ్యూటిఫుల్ హీరోయిన్ శ్రీలీల స్పెషల్ సాంగ్ లో నటిస్తోంది. ఫహద్ ఫాజిల్, జగపతిబాబు, ధనుంజయ్, అనసూయ, సునీల్ తదితరులు ప్రధాన తారాగణంగా నటించారు.
అయితే ఈరోజు ఈ సినిమా షూటింగ్ పూర్తయినట్లు తెలుస్తోంది. అల్లు అర్జున్ ఈ విషయాన్ని సోషల్ మీడియా వేదికగా అభిమానులతో పంచుకున్నాడు.ఇందులో భాగంగా పుష్ప సినిమా షూటింగ్ లో ఈ రోజు చివరిరోజు అని తెలిపాడు. అలాగే 5 ఏళ్ళ పుష్ప సినిమా జర్నీ ఈరోజుతో ముగిసింది అని ట్వీట్ చేశాడు. అలాగే పుష్ప షూటింగ్ సెట్స్ లో తీసిన ఫోటోని షేర్ చేశాడు. దీంతో ఈ సినిమా కోసం ఆసక్తిగా ఎదురు చూస్తున్నామని ఫ్యాన్స్ కామెంట్లు చేస్తున్నారు.
ALSO READ | అల్లు అర్జున్కి నేషనల్ అవార్డు.. డబ్బుకోసం సినిమా తీసేవాళ్ళని ఎంకరేజ్ చెయ్యకండి..
ఈ విషయం ఇలా ఉండగా ప్రస్తుతం షూటింగ్ పూర్తికావడంతో అల్లు అర్జున్ డబ్బింగ్ చెప్పడానికి హాజరు కానున్నట్లు సమాచారం. కాగా ఇటీవలే రష్మిక కూడా డబ్బింగ్ పనులు పూర్తి చేసింది. అయితే పుష్ప 2 : ది రూల్ సినిమా డిసెంబర్ 05న వరల్డ్ వైడ్ గ్రాండ్ గా రిలీజ్ కాబోతోంది. ఈ క్రమంలో ప్యాన్ ఇండియా భాషల్లో రిలీజ్ చేస్తుండగా ఇప్పటికే దాదాపుగా రూ.1060 కోట్లు బిజినెస్ చేసింది. దీంతో ఈ సినిమాపై భారీ అంచనాలు నెలకొన్నాయి.
LAST DAY LAST SHOT OF PUSHPA . 5 years JOURNEY of PUSHPA completed . What a journey 🖤 pic.twitter.com/eQoRhcLFMQ
— Allu Arjun (@alluarjun) November 26, 2024
