హైదరాబాద్: సంధ్య థియేటర్ దగ్గర జరిగిన తొక్కిసలాటలో తీవ్రంగా గాయపడిన బాలుడు శ్రీ తేజ్ ఆరోగ్య పరిస్థితిపై అల్లు అర్జున్ స్పందించారు. ఈ మేరకు ఆదివారం (డిసెంబర్ 15) ఎక్స్ (ట్విట్టర్) వేదికగా బన్నీ ఒక ప్రకటన విడుదల చేశారు. ఆసుపత్రిలో చికిత్స పొందుతోన్న శ్రీ తేజ్ త్వరగా కోలుకోవాలని భగవంతున్ని ప్రార్థిస్తు్న్నానని అన్నారు. కేసు కోర్టు పరిధిలో ఉన్నందున చట్టపరమైన కారణాల వల్ల ఈ సమయంలో శ్రీ తేజ్‌ను, అతన్ని కుటుంబాన్ని కలవలేకపోతున్నాను.. అతి త్వరలోనే బాధిత కుటుంబాన్ని కలుస్తానన్నారు బన్నీ.
శ్రీ తేజ్ వైద్య, కుటుంబ అవసరాలకు నేను బాధ్యత వహిస్తున్నానని మరోసారి ప్రకటించారు స్టైలిస్ స్టార్. అల్లు అర్జున్ నటించిన పుష్ప 2 మూవీ ప్రీమియర్ షో సందర్భంగా ఆర్టీసీ క్రాస్ రోడ్లోని సంధ్య థియేటర్ వద్ద తొక్కిసలాట జరిగిన విషయం తెలిసిందే. ప్రేక్షకులతో కలిసి సినిమా చూసేందుకు బన్నీ సంధ్య థియేటర్కు వెళ్లగా బన్నీ చూసేందుకు పెద్ద ఎత్తున అభిమానులు ఎగబడ్డారు. ఈ క్రమంలో థియేటర్ దగ్గర తొక్కిసలాట జరిగింది.
ALSO READ | నా ఫ్యామిలీని హత్య చేసేందుకు కుట్ర: విష్ణుపై ఫిర్యాదు చేసిన మనోజ్
ఈ ఘటనలో కుటుంబంతో కలిసి సినిమా చూసేందుకు వచ్చిన రేవతి అనే మహిళ మృతి చెందగా.. ఆమె కుమారుడు శ్రీ తేజ్ తీవ్రంగా గాయపడి ప్రస్తుతం కిమ్స్ ఆసుపత్రిలో చికిత్స పొందుతున్నాడు. ఈ క్రమంలోనే శ్రీ తేజ్ హెల్త్ కండిషన్పై బన్నీ ఆరా తీసి పోస్ట్ పెట్టారు. ఇక, సంధ్య థియేటర్ దగ్గర జరిగిన తొక్కిసలాట ఘటనలో హీరో అల్లు అర్జున్పై పోలీసులు కేసు నమోదు చేసి అరెస్ట్ చేయగా.. హైకోర్టు మధ్యంతర బెయిల్ ఇవ్వడంతో బన్నీ జైలు నుండి బయటకు వచ్చిన సంగతి తెలిసిందే.
I remain deeply concerned about young Shri Tej, who is under constant medical care after the unfortunate incident.
— Allu Arjun (@alluarjun) December 15, 2024
Due to the ongoing legal proceedings, I have been advised not to visit him and his family at this time
My prayers remain with them and I remain committed to… pic.twitter.com/M1raFvVJlS
