న్యూఢిల్లీ: విశాక ఇండస్ట్రీస్ అరుదైన అవకాశం దక్కించుకుంది. కంపెనీ సోలార్ రూఫ్ ప్రొడక్టులకు కేంద్ర రెన్యూవబుల్ ఎనర్జీ మినిస్ట్రీ ‘అప్రూవ్డ్ లిస్ట్ ఆఫ్ మోడల్స్ అండ్ మాన్యుఫాక్చరర్స్’ (ఏఎల్ఎంఎం) సర్టిఫికేషన్ ఇచ్చింది.
దీనిని సాధించిన మొదటి భారతీయ కంపెనీ తమదేనని విశాక ప్రకటించింది. ఇన్నోవేటివ్, సస్టెయినబుల్, ప్రభుత్వ గుర్తింపు పొందిన సోలార్ ఎనర్జీ సొల్యూషన్లను అందించే సత్తా తమకు ఉందనడానికి సర్టిఫికేషన్ నిదర్శమని కంపెనీ ఎక్స్చేంజ్ ఫైలింగ్లో తెలిపింది.
మనదేశ రెన్యువబుల్ ఎనర్జీ లక్ష్యాలకు అనుగుణంగా పనిచేస్తామని ప్రకటించింది. ఏఎల్ఎంఎం సర్టిఫికేషన్ రావడంతో కంపెనీ షేర్ ధర బుధవారం 13.53 శాతం పెరిగి రూ.98.66 కు చేరుకుంది. హైదరాబాద్కు చెందిన విశాక ఇండస్ట్రీస్ ఫైబర్ షీట్లు, స్పిన్నింగ్ యార్న్, సోలార్ ప్యానెల్స్ తయారు చేస్తోంది.
