శివకార్తికేయన్, సాయి పల్లవి జంటగా రాజ్‌కుమార్ పెరియసామి దర్శకత్వం వహించిన మూవీ అమరన్. దివంగత మేజర్ ముకుంద్ వరదరాజన్ రియల్ లైఫ్ స్టోరీతో తెరకెక్కిన అమరన్ సినిమాపై కొన్ని రోజులుగా వివాదాలు నెలకొన్నాయి. ఈ నేపథ్యంలో తాజాగా అమరన్ మూవీ ప్రదర్శించబడుతున్న థియేటర్లో.. ఓ గుర్తు తెలియని వ్యక్తి పెట్రోల్ బాంబు విసిరాడు. పూర్తి వివరాల్లోకి వెళితే..
తమిళనాడులోని తిరునల్వేలి జిల్లా మేళప్పళయం ప్రాంతంలోని అలంకార్ థియేటర్‌పై ఇవాళ (నవంబర్ 16) తెల్లవారుజామున ఓ వ్యక్తి పెట్రోల్ బాంబు విసిరారు. అయితే కొద్దిరోజుల నుంచి అమరన్ సినిమాకు వ్యతిరేకంగా నిరసనలు జరగడం గమనార్హం.
ఈ క్రమంలో సినిమా థియేటర్ ప్రాంగణం ముందు బాంబు విసిరిన ఘటన శనివారం తెల్లవారుజామున జరిగింది. అదృష్టవశాత్తూ అక్కడెవ్వరు లేకపోవడంతో ఎటువంటి ప్రమాదం జరగలేదని సమాచారం. ఈ సంఘటనపై ఇంకా ఎవరినీ అరెస్టు చేయలేదని.. విచారణ కొనసాగుతోందని తిరునల్వేలి జిల్లా పోలీసులు తెలిపారు. ప్రస్తుతం ఇందుకు సంబంధించిన విజువల్స్ సోషల్ మీడియాలో వైరల్ అవుతున్నాయి.
Also Read : కంగువకు తెలుగులోనే ఎక్కువ కలెక్షన్స్
అమరన్ సినిమా వివాదం:
ఈ మూవీలో కాశ్మీరీలను తప్పుగా చిత్రీకరిస్తున్నారని ఆరోపిస్తూ.. వివిధ సంస్థల నుండి వ్యతిరేకత వస్తోంది. ఇపుడు థియేటర్ ముందు జరిగిన పెట్రోల్ బాంబు దాడి ఈ నిరసనలతో ముడిపడి ఉన్నట్లు సమాచారం. పెట్రోల్ బాంబు ఘటనపై పోలీసులు విచారణ ప్రారంభించారు. త్వరలో మరిన్ని విషయాలు తెలిసే అవకాశం ఉంది.
An unknown person has thrown a petrol bomb at the #Alankar Theatre in Nellai #Melappalayam where the film "Amaran" is being screened. The petrol bomb was thrown in the early morning at the front of the theatre. It is noteworthy that protests against the film #Amaran took place a… pic.twitter.com/P3Z79k1trD
— Mahalingam Ponnusamy (@mahajournalist) November 16, 2024
అమరన్ వసూళ్లు:
అక్టోబర్ 31 దీపావళి కానుకగా థియేటర్ లో రిలీజైన ఈ మూవీ.. ప్రపంచవ్యాప్తంగా రూ. 172 కోట్లు నెట్, అలాగే రూ.300 కోట్ల గ్రాస్ వసూళ్లు సాధించినట్లు ట్రేడ్ వర్గాలు వెల్లడించాయి. ప్రస్తుతం మూడో వారం సక్సెస్ ఫుల్ గా థియేటర్స్ లో రన్ అవుతోంది.
