హైదరాబాద్, వెలుగు: పండుగ బహుమతుల కోసం తమ ప్లాట్ఫారమ్లో ప్రారంభించిన బీ2బీ గిఫ్టింగ్ స్టోర్ మొదటి 10 రోజులలో 134 శాతం వార్షిక వృద్ధి సాధించిందని ఈ–కామర్స్ సంస్థ అమెజాన్ తెలిపింది. మొత్తం ఆర్డర్లు 95శాతం పెరిగాయని, కస్టమర్ల సంఖ్య 107శాతం పెరిగిందని పేర్కొంది. చాకొలెట్లు, డ్రై ఫ్రూట్స్ టీ అండ్ కాఫీ హ్యాంపర్స్, గార్మెట్ బాక్స్ లు ఎక్కువగా అమ్ముడవుతున్నాయని పేర్కొంది. ఉద్యోగులను గుర్తించడానికి, సహోద్యోగులతో సంబరాలు చేసుకోవడానికి కానుకలు ఎంతగానో ఉపయోగపడుతాయని తెలిపింది. ఈ స్టోర్లో 8,500కి పైగా ఉత్పత్తులను అమ్ముతున్నారు.
