అ మెజాన్ యాప్ ఉంటే చాలు.. గ్రాసరీలు నుంచి ఎలక్ట్రానిక్స్ వరకు, ఫ్యాషన్ ఐటెమ్స్ నుంచి యాక్సెసరీల వరకు అన్నీ అందుబాటులో ఉంటాయి. అయితే అమెజాన్ ఇప్పుడు హెల్త్ కేర్ సర్వీస్లను కూడా అందుబాటులోకి తెచ్చింది.
అమెజాన్ యాప్.. ఇక నుంచి హెల్త్ ఎక్స్పర్ట్స్ అపాయింట్మెంట్లను బుక్ చేసుకోవడానికి యూజర్లకు వీలు కల్పిస్తుంది. వీడియో, ఆడియో, చాట్ ద్వారా వైద్యులకు యాక్సెస్ అందిస్తుంది. అమెజాన్ క్లినిక్ ప్రస్తుతం ఆండ్రాయిడ్, ఐఓఎస్ యూజర్లకు అందుబాటులో ఉంది. ఈ సేవను ఉపయోగించడానికి, యూజర్లు పేరు, వయస్సు, జెండర్, ఫోన్ నంబర్ వంటి వారి ప్రాథమిక వివరాలతో ప్రొఫైల్ను క్రియేట్ చేయాలి.
రిజిస్ట్రేషన్ తర్వాత, యూజర్లు హెల్త్ కండిషన్ని బట్టి ఆన్లైన్లో ఎక్స్పర్ట్స్ని సంప్రదించవచ్చు. లేదా వ్యక్తిగత అపాయింట్మెంట్ బుక్ చేసుకోవచ్చు. అంతేకాదు.. అందుబాటులో ఉన్న వైద్యులతో తక్షణమే కనెక్ట్ అవ్వడానికి లేదా కన్సల్టేషన్ను ముందుగానే షెడ్యూల్ చేయడానికి యూజర్లకు యాప్ వీలు కల్పిస్తుంది. ప్రతి సంప్రదింపులు సాధారణంగా10 నుంచి 30 నిమిషాల మధ్య ఉంటాయి. డెర్మటాలజీ, గైనకాలజీ, పీడియాట్రిక్స్, న్యూట్రిషన్, కౌన్సెలింగ్ వంటి విభాగాల్లో ఎక్స్పర్ట్స్ లిస్ట్ ఈ ప్లాట్ఫ్లామ్లో ఉంటుంది.
అమెజాన్ క్లినిక్లోని వైద్యులందరికీ కనీసం మూడు సంవత్సరాల టెలిమెడిసిన్ అనుభవం ఉంది. కన్సల్టేషన్ ఫీజు డాక్టర్ స్పెషలైజేషన్ను బట్టి రూ.299 నుంచి రూ.799 వరకు ఉంటుంది. అదనంగా, అమెజాన్ క్లినిక్ మొదటి కన్సల్టేషన్ తర్వాత ఏడు రోజుల పాటు అన్లిమిటెడ్ ఫ్రీ ఫాలో-అప్ కన్సల్టేషన్లను అందిస్తుంది. యూజర్లు హెల్త్ కేర్, రిటైల్ సేవలతోపాటు అమెజాన్ ఫార్మసీ ద్వారా సూచించిన మందులను కూడా కొనుక్కోవచ్చు.
