- 48 వేల ఫుల్ టైమ్ జాబ్స్
- అమెజాన్ వెబ్ సర్వీసెస్ ప్రకటన
హైదరాబాద్, వెలుగు: హైదరాబాద్ సమీపంలో రెండో డేటా సెంటర్ క్లస్టర్ ఏర్పాటు చేయనున్నట్లు అమెజాన్ వెబ్ సర్వీసెస్ ప్రకటించింది. ఈ డేటా సెంటర్ క్లస్టర్ ఏర్పాటు కోసం 2030 నాటికి రూ. 30 వేల కోట్ల పెట్టుబడులు పెట్టనున్నట్లు వెల్లడించింది. ముంబైలో ఇప్పటికే ఒక డేటా సెంటర్ను అమెజాన్ వెబ్సర్వీసెస్2016 లో ఏర్పాటు చేసింది. ప్రపంచంలో మొత్తం 30 చోట్ల డేటా సెంటర్ క్లస్టర్లను అమెజాన్ వెబ్ సర్వీసెస్ నెలకొల్పింది. ఈ పెట్టుబడుల ఫలితంగా 48 వేల ఫుల్టైమ్ జాబ్స్ క్రియేట్ అవుతాయని అమెజాన్వెబ్ సర్వీసెస్ ఈ ప్రకటనలో తెలిపింది. అమెజాన్ వెబ్ సర్వీసెస్ డేటా సెంటర్ల ఏర్పాటు వల్ల దేశపు జీడీపీకి రూ. 63,600 కోట్లు యాడ్ అవుతుందని తెలంగాణ ఐటీ మంత్రి కే టీ రామారావు ఈ సందర్భంగా చెప్పారు.
డేటా సెంటర్ల జోరు....
డెవలపర్లు, స్టార్టప్స్, కంపెనీలు తమ వర్క్లోడ్స్ను మరింత సమర్ధంగా నడుపుకునేలా, ఇండియాలోనే డేటాను భద్రంగా దాచుకునేలా ఈ కొత్త డేటా సెంటర్ క్లస్టర్ వీలు కల్పిస్తుందని ఈ సందర్భంగా అమెజాన్.కామ్ ఇంక్ కంపెనీ అమెజాన్ వెబ్ సర్వీసెస్ ప్రకటించింది. దీంతోపాటు ఎండ్ యూజర్లకు లేటెన్సీ మరింత తగ్గుతుందని వివరించింది. దేశంలో డేటా వినియోగం భారీగా పెరగడంతోపాటు, క్లౌడ్ జోరందుకోవడంతో డేటా సెంటర్ల ఆవశ్యకత ఎక్కువైంది. ఇండియాలో డేటా సెంటర్స్ కెపాసిటీ 2025 నాటికి రెట్టింపయి 1700–1800 ఎండబ్ల్యూకి చేరుతుందని రేటింగ్ ఏజన్సీ క్రిసిల్ అంచనా వేస్తోంది. ఈ కెపాసిటీ ప్రస్తుతం 870 ఎండబ్ల్యూ. ఈ నేపథ్యంలోనే అదానీ లాంటి పెద్ద గ్రూపులు కూడా డేటా సెంటర్స్ బిజినెస్పై ఆసక్తి చూపిస్తున్నాయి. దేశంలోని పలు ప్రాంతాలలో డేటా సెంటర్లు పెట్టనున్నట్లు ఈ గ్రూప్ ప్రకటించింది. జెన్2 క్లౌడ్ సెంటర్లను ముంబై, హైదరాబాద్లలో ఏర్పాటు చేస్తామని ఒరాకిల్ 2019 లోనే వెల్లడించింది. స్మాల్ అండ్ మీడియం ఎంటర్ప్రైజస్కు క్లౌడ్ సేవలందించేందుకు మైక్రోసాఫ్ట్తో కలిసి డేటా సెంటర్లు పెట్టనున్నట్లు రిలయన్స్ ఇండస్ట్రీస్ తెలిపింది. ముంబై, చెన్నైలలో డేటా సెంటర్ల ఏర్పాటు కోఐసం యోటా ఇన్ఫ్రాస్ట్రక్చర్ను హీరానందాని గ్రూప్ తెచ్చింది.
లేటెస్ట్ టెక్నాలజీలు....
ఏడబ్ల్యూఎస్ రెండో డేటా సెంటర్ ఏర్పాటుతో డెవలపర్లు, స్టార్టప్స్, ఎంట్రప్రెనూర్లు, ఎంటర్ప్రైజస్, గవర్నమెంట్, ఎడ్యుకేషన్, ఎన్జీఓలు వంటి వాటికి తమ అప్లికేషన్లను రన్ చేసుకోవడంలో ఛాయిస్ పెరుగుతుందని అమెజాన్ వెల్లడించింది. ఏడబ్ల్యూఎస్ అడ్వాన్స్డ్ టెక్నాలజీలు ఇప్పుడు కస్టమర్లకు అందుబాటులో ఉంటాయని, ఇందులో డేటా ఎనలిటిక్స్, సెక్యూరిటీ, మెషిన్ లెర్నింగ్, ఆర్టిఫిషియల్ ఇంటెలిజెన్స్ (ఏఐ) వంటివి భాగమని పేర్కొంది. ఇండియా డిజిటల్ ట్రాన్స్ఫార్మేషన్కు ఈ ప్రాజెక్టు మద్దతు ఇస్తుంది. ప్రధాని మోడీ ట్రిలియన్ డాలర్ల డిజిటల్ ఎకానమీ విజన్ దేశంలో క్లౌడ్ భారీగా విస్తరించడానికి వీలు కల్పిస్తోంది. డిజిటల్ ఎకో సిస్టమ్లో డేటా సెంటర్లు కీలకపాత్ర పోషిస్తాయని ఈ సందర్భంగా కేంద్ర మంత్రి రాజీవ్ చంద్రశేఖర్ పేర్కొన్నారు. దేశంలోని డేటా సెంటర్ల కెపాసిటీని 2,565 ఎండబ్ల్యూకి పెంచేందుకు కొత క్లవుడ్ అండ్ డేటా సెంటర్ పాలసీ సాయపడుతుందని ఆయన ఈ సందర్భంగా వివరించారు.
