హైదరాబాద్, వెలుగు: డాక్టర్ బీఆర్ అంబేద్కర్ ఓపెన్ యూనివర్సిటీ ఎంబీఏ ఎంట్రెన్స్ టెస్టును ఈ నెల 9న నిర్వహించనున్నట్టు వర్సిటీ అధికారులు ఓ ప్రకటనలో తెలిపారు. ఈ పరీక్ష రాసేందుకు ఈ నెల8 వరకూ దరఖాస్తు చేసుకోవాలని వెల్లడించారు. టీజీ –ఐ-సెట్ 2024 లో క్వాలిఫై అయిన అభ్యర్థులు నేరుగా ఎంబీఏలో అడ్మిషన్లు పొందవచ్చని తెలిపారు.
వర్సిటీ ఎంట్రెన్స్ టెస్టులో క్వాలిఫై అయినా వాళ్లు మాత్రమే ప్రవేశాలకు అర్హులని చెప్పారు. మరిన్ని వివరాలకు వర్సిటీ పోర్టల్‌‌‌‌‌‌‌‌ను www.braouonline.in లేదా వెబ్ సైట్ www.braou.ac.in చూడాలని సూచించారు.
